Кішкентай сәби құтқарылды.
21 шілде күні түстен кейін қала тұрғыны Ермекбай Тамабаев бір жасар немересін көтеріп, үйінің ауласында серуендеп жүрген. Кенеттен ол жылаған баланың даусын естиді. Сол кезде 7-қабатта подъездегі балконның қоршауында кішкентай баланың салбырап тұрғанын байқаса керек, деп хабарлайды Almaty-akshamy.kz Inbusiness.kz сайтына сілтеме жасап.
“Басы темір торларға тіреліп, денесі мен қолдары сыртта салбылап тұрды, ол құлап кете ме деп есім шықты", – дейді ақсақал.
Қолындағы кішкентай немересін тастап кете алмаған қарт кіреберісте тұрған жастарды көмекке шақырған, бірақ оған назар аудара қойған ешкім болмаған.
"Егер бала құлап кетсе, ең болмаса, үйге кіреберістің шатырына көтерілуді өтіндім. Менің өтінішіме дереу көмекке жас жігіт жүгіріп барды. Тордың арасында ілініп тұрған баланы соңғы минуттарда құтқарып үлгерді, әрі қарай үрейден не істерін білмей тұрған анасына табыстады", – деді ақсақал.
Баланы аман алып қалған 19 жастағы жас қаһарман Ерасыл Архатұлы болып шықты. Ол Абай атындағы педагогикалық университетінің Дене шынықтыру факультетінің студенті екен. Жас жігіттің баланы қалай құтқарып қалғанын оқиға куәгері, баланы құтқаруға арашашы болған Ермекбай Тамабаевтың өзі Алматы қаласының Төтенше жағдайлар департаментіне хабарлап айтқан.
Алматы қаласы ТЖД басшылығы ҚР ТЖ министрлігіне жоғарыда аталған тұлғаларды марапаттау туралы ұсыныс білдірді.