Алматыда тарихтағы алғашқы Азия хоккей чемпионаты 6 қарашада басталады
Халықаралық шайбалы хоккей федерациясының (IIHF) қолдауымен тарихта алғаш рет Азия хоккей чемпионаты Алматыда өтеді. Турнир 6 қарашада басталады, деп хабарлайды aqshamnews.kz.
Жарыстар 6-9 қараша аралығында Halyk Arena көпфункционалды спорт кешенінде өтеді. Қазақстан құрамасы Жапония, Корея және Қытай елінің командаларымен күш сынасады.
Турнир матчтарының кестесі:
6 қараша 2024, 16:00 – Жапония – Қытай
6 қараша 2024, 19:30 – Корея – Қазақстан
8 қараша 2024, 16:00 – Жапония – Корея
8 қараша 2024, 19:30 – Қазақстан – Қытай
9 қараша 2024, 16:00 – Қытай – Корея
9 қараша 2024, 19:30 – Қазақстан – Жапония
Матч билеті 1-ден 3 мың теңгеге дейінгі аралықта сатылады.
Айта кетейік, алдағы турнирлер 2025 жылы 7-14 ақпан аралығында Қытайдың Харбин қаласында өтетін Азия ойындарына дайындық жарыстары ретінде ұйымдастырылып отыр.