Медеу ауданы аумағындағы Алматы тауларында, теңіз деңгейінен 3 400 метр биіктікте орналасқан Титов асуы маңында төрт адамнан құралған туристік топ қар көшкіні астында қалды. Олардың бірі өздігінен шығып үлгерген, – деп хабарлайды aqshamnews.kz.
Қайғылы оқиға 22 ақпан күні таңертең болған. Ақпарат түскен бойда оқиға орнына Қазақстан Республикасы Төтенше жағдайлар министрлігіне қарасты Алматы қалалық ТЖД-ның 23-әмбебап құтқару жасағы, «Барыс» өңірлік мемлекеттік ғылыми-зерттеу орталығының мамандары, кинологиялық бөлімше қызметкерлері мен еріктілер жіберілді. Іздестіру-құтқару жұмыстарына ұшқышсыз ұшу аппараты да тартылды.
Жүргізілген операция барысында қар астында қалған адамның мәйіті табылып, шығарылды. Оқиға орнында полиция қызметкерлері мен құтқару қызметінің психологтары жұмыс істеді.