"Алматы – Ташкент" бағытындағы пойыздар күн сайын жүретін болады, - деп хабарлайды Aqshamnews.kz тілшісі.
"Жолаушылар тасымалы" АҚ 2025 жылғы 14 желтоқсаннан бастап «Алматы – Ташкент» бағыты бойынша Talgo пойызының күнделікті қатынайтынын жариялады. Бұл өзгеріс Қазақстан мен Өзбекстан арасында тұрақты және қолайлы қатынасты қамтамасыз етуді көздейді.
Компания мәліметінше, күн сайынғы рейстер тәулігіне 400-ден астам жолаушыны тасымалдауға мүмкіндік береді. Бағытқа ұзақ сапарға арналған барлық қажетті жайлылықпен жабдықталған заманауи Talgo құрамдары шығарылады.
Күнделікті қатынастың басталуы екі ел арасындағы туристік ағынды арттыруға, сондай-ақ мәдени және іскерлік байланыстарды күшейтуге мүмкіндік береді. Бұл бағыт жолаушылар арасында бұрыннан жоғары сұранысқа ие.
Билеттерді қайдан алуға болады:
– bilet.railways.kz ресми сайтынан;
– теміржол вокзалдарының билет кассаларынан.
Толық ақпаратты 1433 нөміріне қоңырау шалып немесе tablo-railways.kz онлайн-таблосынан алуға болады.