Алматы қаласы ҚАЖ департаментінің №11 мекемесінде кәмелетке толмаған жазасын өтеуші жасөспірімдердің алдында Қазақ мемлекеттік циркінің артистері өнер көрсетті.
Алматы қаласы Мәдениет басқармасының қолдауымен ұйымдастырылған іс-шарада А.Салаватовтың «Жонгляж» және С.Сенбектің «Дьяболо» қойылымы, В.Степанюганың «Катушки» өнері, Ф.Аширбакиева мен Т.Қуанышқалидің роликпен жұп болып билеген биі балалардың көңілін көтеріп тастады. Сонымен қатар Т.Оңалбаев пен И.Тутабекованың «Эквилибр жігіттері», А.Азизовтың «Орыс таяғы» атты ерекше қойылымдары жас көрермендерін бір сәтке болса да балалық шаққа саяхат жасатып қайтқаны анық.
Иә, бас бостандығынан айырылып, жабық, түзеу мекемесінде отырған жастар бір сәтке болса да серпіліп қалды.