Алматыда қалалық мәслихат депутаттары тұрғындармен есептік кездесулерді тұрақты түрде өткізіп келеді. Мұндай кездесулер ашық форматта түрлі қоғамдық алаңдарда өтеді: медицина мекемелерінде, әлеуметтік бағыттағы ұйымдарда, көлік құрылымдарында және аудандық орталықтарда. Негізгі мақсат – ашық диалог орнату, атқарылған жұмыстарды саралап, өзекті мәселелер бойынша ортақ шешім табу.
⠀
Екінші тоқсанда депутаттар сайлаушылар алдында атқарылған жұмыстары және негізгі нәтижелер жөнінде есеп берді. Кездесулерде «AMANAT» партиясының сайлауалды бағдарламасының Алматы қаласы бойынша бес басым бағыттағы іске асу барысы таныстырылды: экономика, инфрақұрылым, білім мен денсаулық сақтау саласын дамыту, қауіпсіз қала ортасын қалыптастыру, мәдениет пен жастар саясатын қолдау.
Мәселен, депутат Елена Тё Медеу ауданының ПМСП орталығы базасында кездесу өткізіп, тұрғындармен Көк-Жайлау құрылысы, спорт секцияларының қолжетімділігі, ПИК жұмысы және «Шымбұлақ» тау-шаңғы курортының шамадан тыс жүктемесі мәселелерін талқылады.
Депутат Диана Ерлан да атқарған жұмыстарының қорытындысын таныстырса, Айгүл Шалбаева Орталық қалалық клиникалық ауруханада өткен кездесуде жүзеге асырылып жатқан бастамалар мен басымдықтар туралы егжей-тегжейлі айтты.
Алматы көлік холдингінде өткен кездесуде депутат Садир Хамраев қалалық инфрақұрылымды дамыту, көлік үлгісін жаңарту, әлеуметтік нысандар салу және 2025–2027 жылдарға арналған бюджет өзгерістері жөнінде баяндама жасады.
Кристина Бекмурзаева өзінің есептік кездесуін Белсенді ұзақ өмір сүру орталығында өткізіп, екінші тоқсанда жолданған депутаттық сауалдар туралы айтып берді. Бірқатар мәселелер бойынша оң нәтижелерге қол жеткізілген. Онда балалар үйлерінің түлектерін жұмысқа орналастырудан, мүмкіндігі шектеулі топтарға жеңілдіктер мен қызметтер алудан бастап көліктік қолжетімділікті жақсартуға, аулаларды абаттандыруға және жеке тұрмыстық жағдайларды шешуге жәрдемдесуге дейінгі әлеуметтік мәселелердің кең ауқымы қозғалды. Бірқатар өтініштер бойынша оң нәтижелер бар. Сонымен қатар, азаматтарды қабылдауға және мемлекеттік органдармен тығыз байланыс орнатуға ерекше көңіл бөлінуде.
Депутат Қарашаш Жүзеева өз есебінде бірінші жартыжылдықта 40-қа жуық депутаттық сауал жолданғанын атап өтті. Нәтижесінде жарықтандыру қалпына келтіріліп, шұңқырлы жолдар жөнделіп, қаңғыбас жануарлар ұсталып, ағаштар зиянкестерге қарсы өңделген. Кейбір жағдайларда атаулы қайырымдылық көмегі де көрсетілді.