Кристина Воробьева жетекшілік ететін Өзбекстанның «Үшінші тыныс» даршылар командасы II Халықаралық цирк өнер фестивалінің Бас жүлдесін жеңіп алды. «Үшінші тыныс» нөмірі қазылар алқасының жоғары бағасына ие болып, көрермен көзайымына айналды, деп хабарлайды aqshamnews.kz
Өзбекстандық цирк артистері тек Бас жүлдені ғана емес, сонымен қатар «Armoni Organizasyon» бас директоры Ахмет Экщи (Түркия) мен Қазақ мемлекеттік циркінің ардагерлерінен арнайы сыйлықтар алды. Сонымен қатар, олар Санкт-Петербургте өтетін «Без границ» Халықаралық цирк өнер фестиваліне шақырту алды.
«Өнер адамы үшін фестиваль – ең керемет сәттің бірі. Бұл жаңа таныстықтың бастауы. Фестиваль керемет ұйымдастырылған. Басшылық барлығын жоғары деңгейде жасады. Бүкіл ұжымның атынан Алматы циркі табыс тілеймін және алдағы уақытта да серіктестігіміз арта түседі деп ойлаймын», - деді даршылардың Sky Angels командасының жетекшісі Кристина Воробьева.
Сайқымазақ Дэвис Вассалло Алматы қаласы әкімдігінің арнайы сыйлығымен марапатталды. Оның күлкілі нөмірлері көрермендердің қызығушылығын тудырды. Бұл ретте итальяндық артистің өзі интерактивті қойылымдарына көрермендерді барынша тартуға тырысты.
Алтын жүлде:
- Мария Терентьева (Ресей) – «Күнге қарау» нөмірі.
- Светлана Михнюк пен Алина Габбасова (Ресей) – әуе сақинасы «Дуо Антресол».
- Вонг Мэнчэн (Қытай) – эквилибрист.
Күміс жүлде:
- Марина Стародубова мен Даяна Жетпісова (Қазақстан) – «Жаңбырда ұшу» нөмірі. Сонымен қатар, олар Түркия мен Грузиядан келген қазылар алқасының арнайы сыйлығын және Италияда өтетін Халықаралық цирк өнер фестиваліне шақырту алды.
- «Қара бүркіттер» (Эфиопия) – үйретілген иттерімен өнер көрсеткен.
- Евгений Комисаренко (Ресей) – үйретілген иттерімен өнер көрсеткен.
Қола жүлде:
- Кимберли Дзаватта (Италия) – әуе гимнастшысы.
- Роман Кронжко мен Ангелина Прохорова (Украина) – белдіктегі әуе дуэті.
- Джоан Годиньо (Португалия) – трапеция гимнастшысы.
Астана қаласының «Астаналық циркінен» Нұрым Күленбаев жетекшілік ететін «Virtuoso» жонглерлер тобы Қытай ұлттық акробатикалық труппасының арнайы жүлдесіне ие болды.
Қазақ мемлекеттік циркіндегі фестиваль бағдарламасы 25 тамызға дейін жалғасады. Бұл іс-шара цирк өнерінің түрлі салаларын көрсетіп, көрермендерге ерекше әсер қалдырды.