"АLATAU AQPARAT" медиахолдингі "Алматы ақшамы" газетінің тілшісі, әріптесіміз Дана Садырқан "Әл-Фараби апталығында" жеңімпаз атанды.
"Үздік шығармашылық жұмыс" аталымы бойынша Дана Садырқанның жұмысы 1-ші орынға лайықты деп бағаланды және оған шәкіртақы табысталды, - деп хабарлайды Aqshamnews.kz.
12025 жыл – адамзат өркениетінің ұлы тұлғасы, екінші ұстаз атанған Әбу Насыр әл-Фарабидің туғанына 1155 жыл толатын тарихи кезең. Бұл мерейтой – рухани мұра мен ғылыми-философиялық даналықтың жаңа дәуірде қайта жаңғыруының айғағы.
"Әл-Фараби – адамзат мәдениетінің темірқазығы, әлемдік өркениет кеңістігінде ақыл мен парасаттың, ізгілік пен білімнің шамшырағын жаққан ұлы ойшыл. Оның философиялық терең ойлары, логикалық талдауы, этикалық қағидаттары мен ғылымға деген көзқарасы ғасырлар өтсе де өз мәнін жоймай, бүгінгі ХХІ ғасырдың цифрлық дәуірінде жаңа қырынан танылып отыр", - дейді Д.Садырқан.
Ұйымдастырылған «әл-Фараби апталығы» – ұлы ғалымның 1155 жылдық мерейтойына арналып, оның рухани даналығын, философиялық терең ойларын, ғылым мен парасатқа негізделген ілімін бүгінгі цифрлық өркениеттің инновацияларымен сабақтастыратын ауқымды жоба". Студенттер, магистранттар мен докторанттар арасында өткен байқауға бірнеше жұмыс түскен.
Әл-Фарабидің ғылыми тұжырымдарын бүгінгі жасанды интеллекет бағытында айшықтап, оны қолдану – маңызды қадамдардың бірі.