Алматы әуежайы 25 жылдан кейін жылына 55 миллион жолаушыны қабылдай алады.
Бүгінде әуе айлағы 12 миллионнан астам адамға қызмет көрсетіп отыр, - деп хабарлайды Aqshamnews.kz.
Мегаполис CNN және әлемдегі ең ірі қонақүй брондау онлайн-сервистерінің бірі жасаған үздік туристік бағыттар тізіміне енді. Бұл туралы қаланың Туризм басқармасы хабарлады.
Алматының трендтік рейтингтерге енуі оның танымалдылығын арттырды.
Жарты жыл ішінде мегаполиске 1 миллионнан астам адам келген. Олардың 300 мыңнан астамы – шетелдік қонақтар.
Негізгі туристер ағыны – Үндістан мен Қытайдан. Сондай-ақ негізгі елдердің қатарында Түркия, Корея, АҚШ, БАӘ және Германия бар.