Алматы әкімі Дархан Сатыбалды жұмыс сапары аясында «Астана Моторс» компаниясының Hyundai Trans Auto зауытына барды.
Аумағы 10 гектар болатын кәсіпорын Hyundai, Foton және Golden Dragon маркалы жүк және жолаушылар техникасын шығаруға маманданған. Өндіріс дәнекерлеу, бояу, құрастыру цехтары сынды заманауи өндірістік инфрақұрылым жабдықталған, сондай-ақ, үстіңгі құрылымдар мен құрамдас бөлшектер шығаратын жеке өндірісі бар. Зауыт жылына 1 200 автобус пен 10 000 жүк көлігін шығара алады.
2011 жылы негізі қаланған күннен бастап кәсіпорын отандық автокөлік өндірісінің өркендеуіне қомақты үлес қосып келеді. 2024 жылдың өзінде зауыттың салық төлемі 1,9 млрд теңге болды. Мұнда 400-ден астам білікті маман жұмыс істейді.
Сапар барысында қала әкімі өнеркәсіп секторы дамытудың стратегиялық маңызы мен экспортқа бағдарланған әрі инновациялық өндіріске қолдау қажеттігін атады.
Зауыт басшылығымен өткен кездесу кезінде өндіріс ауқымын кеңейту, қазақстандық құрам үлесін арттыру және отандық техниканың ішкі және сыртқы нарықтағы бәсекеге қабілеттілігін арттыру мәселелері талқыланды.