Фермерлер бір күнде 130 тоннадан астам алма сатты. Бұл Алматыда Қала күні өтетін жыл сайын дәстүрлі ең ірі Alma Fest фестивалінің соңғы 15 жылдағы рекорды.
Жәрмеңкеге 50 бау-бақша шаруашылығы қатысып, аңызға айналған апорт алмасын, коллекциялық сұрыптар мен тау бөктерінде өсірілген өсірілген сирек буданды жемістерді ұсынды.
Фестивальге 120 мыңнан астам қонақ жиналды. Оларға арнап үш үлкен сахна мен үш шағын алаңда концерттер, театрландырылған қойылымдар және шеберлік дәрістері өткізілді.
Фестивальдің қолөнер аймағына баса назар аударылды. Мұнда 58 қолөнер шебері дәстүрлі зергерлік заттарды, тоқымадан, ағаштан, былғары мен металлдан жасаған бұйымдарын көрсетті. Арт-аймақта 30-дан аса суретші туындысын салып, бейнелеу өнерінің қазіргі кездегі дамуын паш етті.
Ұйымдастырушылар қонақтарға арналған тамақтану аймақтарын, санитарлық бекеттерді қамтамасыз етті. Alma Fest 2025 мәдениет пен аграрлық саланы ұштастыратын, ал қолөнершілер мен суретшілерге өнерін кең аудиторияға көрсетуге мүмкіндік беретін ірі қалалық жәрмеңке мәртебесін тағы да дәлелдеді.