Оны табу мақсатында тиісті жұмыстар атқарады, деп хабарлайды aqshamnews.kz тілшісі.
Баланы асырау – ата-ананың заңмен бекітілген міндеті. Бұл жерде ата-ананың некеде болуы, азаматтық некеде немесе ажырасқан болуы маңызды емес.
Қазіргі таңда, елімізде жауапкершілік танытпайтын ата-аналардың баласына төлемей жүрген алименті үлкен мәселелердің бірі болып отыр. Алименттер ай сайын ата-анасының еңбекақысынан немесе өзге табысынан заңмен белгіленген мөлшерде төленуі тиіс.
Жұмыс істемейтін борышкердің төлеуге міндетті алимент мөлшері ҚР-ң орта жалақы мөлшерімен есептеледі. Құзырлы органдар тарапынан небір амалдар жасалып жатса да, өзгенің тәрбиесінде қалған баласына қарайласпақ түгілі халін сұрамайтын әкелердің саны азаяр емес.
Алимент төлеуден жалтарып жүрген борышкерлерге қатысты жұмыстар, яғни жұмыссыз борышкерлерді жұмысқа орналастыру, бережағы көп борышкерлерді әкімшілік жауаптылыққа тарту, олардың атына тіркелген жылжитын және жылжымайтын мүліктерге тыйым салу жұмыстары жүргізілуде.
Сонымен қатар, ҚР-ң атқарушылық із жүргізу заңнамасының мәжбүрлi түрінің бірі - алимент төлеуден жалтарынып жүрген борышкерлерге iздеу жариялау.
Атқарушылық кағазын орындап отырған сот орындаушысы алимент төлеуден жалтарып жүрген борышкерге катысты өндіріп алатын заттай немесе жұмыс орнының, тұрғылықты мекенжайының болмауына орай, немесе борышкерге катысты кандайда бір ақпараттың болмауы салдарынан іздеу жариялау туралы iс-әрекетi колданылады.
Сот орындаушысы борышкерге катысты iздеу жариялау туралы каулысын шығарып, кейін прокурормен санкцияланады, одан кейiн iздеу қаулысы орындауға аймақ бойынша көшi-қон полиция кызметiне жолданады.
Көшi-қон полиция кызметі келіп түскен қаулыға сәйкес алимент төлеуден жалтарып жүрген борышкерге қатысты іздеу жариялап, оны табу мақсатында тиісті жұмыстар атқарады.
Борышкер анықталған жағадайда, көші-қон полиция инспекторы одан атқарушылық іс бойынша жалтармайтыны туралы міндеттемесін және түсініктемесін алады.
Кейін іздеуге берген сот орындаушысына борышкердің қарызын өндіру мақсатында оның мекенжайын көресете отырып, толық хабарлама жолданады.
Сондай-ақ борышкерлер өз міндеттеріне аса жауапкершілікпен қарап, алиментін уақтылы төлеуге міндетті екендігін, бұл талаптар орындалмаған жағдайда оларға қатысты заңмен әкімшілік және қылмыстық жауаптылық көзделгенін естен шығармауы қажет.
А.Ағыбаев,
ҚР БП ҚСжАЕК-ң
Алматы қаласы бойынша
департамент бөлімінің
аға прокуроры