«Alatau-Aqparat» медиа холдингінің бас директоры Ержан Қалымбайұлы Түркия Республикасының Алматы қаласындағы Бас консулы Эврен Мүдеррісоғлымен кездесті.
Тараптар бауырлас елдер арасындағы барлық саладағы байланыстардың дамуы барысы, ортақ құндылықтар мен мәдени-руһани саладағы ынтымақтастық туралы пікір алмасты, деп хабарлайды Almaty-akshamy.kz.
Ержан Қалымбайұлы Бас консулға «Alatau-Aqparat» медиа холдингінің тарихы, жұмыстары мен жоба-жоспарлары туралы да айтып берді.
Тараптар ынтымақтастықты кеңейту, бірлескен іс-шаралар ұйымдастыруды қарастыруға қатысты да әңгіме қозғады.