Air Astana халықаралық логистикамен байланысты көміртегі шығарындыларын экологиялық тұрақты авиациялық отынды (SAF) пайдалану арқылы азайтуға қосқан үлесін растайтын DHL GoGreen Plus сертификатын иеленген Қазақстандағы алғашқы компания атанды, – деп хабарлайды aqshamnews.kz тілшісі.
Сертификатты 2026 жылғы 16 шілдеде DHL Express Kazakhstan компаниясының бас директоры Евгений Багдашкин Air Astana-ның бас атқарушы директоры Ибрахим Жанлыелге табыстады.
«Тұрақты даму - Air Astana тобының негізгі басымдықтарының бірі және біздің бизнес жүргізу қағидаттарымыздың ажырамас бөлігі. IATA-ның тұрақты даму бағдарламаларын қоса алғанда, салалық ESG бастамаларына қатысу арқылы біз авиация саласының орнықты дамуына бағытталған практикалық шешімдер мен серіктестік жобаларды қолдаймыз», – деді Ибрахим Жанлыел.
«DHL Express үшін нарық көшбасшыларының көміртегі ізін азайтуға бағытталған нақты қадамдар жасап жатқанын көру өте маңызды. SAF пайдалану бүгінде авиациялық логистиканы көміртексіздендірудің ең тиімді құралдарының бірі болып табылады және Air Astana-ны осы бағыттағы бастамаларында қолдауға қуаныштымыз», – деп атап өтті Евгений Багдашкин.