Актер Кэри-Хироюки Тагава 75 жасында қайтыс болды. Ол АҚШ-тағы Санта-Барбара қаласында, отбасыларының қасында дүние салған. Оның қазасына инсульттен кейінгі асқынулар себеп болған, - деп хабарлайды Аqshamnews.kz тілшісі.
Кэри-Хироюки Тагаваға алғаш кең танымалдық әкелген – Бернардо Бертолуччидің «Соңғы император» фильмі. Бұл картина «Оскар» жүлдесінің «Үздік фильм» аталымында жеңіске жеткен.
Кейін актер Mortal Kombat франшизасындағы басты антагонист Шан Цзун рөлін сомдап, әлемге танылды. Сондай-ақ ол «Гейшаның естеліктері», «Жоғары сарайдағы адам» секілді бірқатар танымал фильмдер мен сериалдарға түскен.
