Жекпе-жек уақыты белгілі болды.
Қазақ боксшысы Айдос Ербосынұлының (15-0, 10КО) кезекті жекпе-жегі қашан өтетіні анықталды, деп хабарлайды Almaty-akshamy.kz Prosports.kz сайтына сілтеме жасап.
Жерлесіміз алдағы кездесуде WBA нұсқасы бойынша екінші орта салмақтағы әлем чемпионы атағына міндетті үміткер атануға тырысып көреді.
Отандасымыздың қарсыласы Гайана өкілі, 36 жастағы Аллен Леннокс (22-1-1, 14КО). Жекпе-жек 12 қыркүйекте өтеді, орны қазірше белгісіз. Бірақ бұған дейін жекпе-жекті Қазақстанда өткізу жөнінде келіссөз жүргізілген.
Сондай-ақ, былтыр желтоқсанда Нұр-Сұлтанда өткен бокс кешінде Айдос Ербосынұлы ганалық Исса Самирді (19-1, 16КО) үшінші раундта нокаутпен жеңіп, WBC Asia, WBA International және WBO Global чемпиондық белбеулерін сәтті қорғаған еді.