Премьер-министрдің орынбасары – мәдениет және ақпарат министрі Аида Балаева көші-қон саясатын жетілдіру және елге жоғары білікті мамандар тарту бойынша жүргізіліп жатқан жұмыстар туралы баяндады, – деп хабарлайды aqshamnews.kz тілшісі.
"Еліміз орнықты әлеуметтік, экономикалық дамуды қамтамасыз ету мақсатында көші-қон саясатын кезең-кезеңімен жетілдіріп келеді. Осы бағыттағы маңызды шешімдердің бірі ретінде 10 сәуірден бастап шетел азаматтарын тұрақты тұруға қабылдауды реттейтін қосымша шаралар енгізілді. Еліміз үшін ең басты басымдықтардың бірі адами капиталдың сапасын арттыру, сондықтан Қазақстан инвесторлар мен сұраныстағы мамандық иелері үшін жеңілдетілген тәртіп сақтап отыр", - деді Премьер-министрдің орынбасары – мәдениет және ақпарат министрі Аида Балаева.