Астана, Алматы және Шымкентте сенбі күні жауын-шашынсыз ыстық ауа райы күтіледы, – деп хабарлайды aqshamnews.kz тілшісі.
«Қазгидромет» РМК мәліметінше, сенбі күні Астана, Алматы және Шымкент қалаларында жауын-шашын жаумайды.
Астанада күн ала бұлтты болады. Оңтүстік-батыстан соғатын желдің жылдамдығы түнде 2–7, күндіз 7–12 м/с. Ауа температурасы түнде +17…+19, күндіз +34…+36 градусқа дейін көтеріледі.
Алматыда да күн ала бұлтты, жауын-шашынсыз болады. Оңтүстік-батыстан соғатын желдің жылдамдығы 3–8 м/с. Түнде ауа температурасы +24…+26, күндіз +40…+42 градусқа дейін ысиды.
Шымкентте де жауын-шашын күтілмейді. Солтүстік-шығыстан соғатын желдің жылдамдығы 8–13 м/с, күндіз екпіні 15–20 м/с-қа жетеді. Түнде +25…+27, күндіз аптап ыстық болып, ауа температурасы +45…+47 градусқа дейін көтеріледі.