"Қазгидромет" синоптиктері 15, 16 және 17 шілдеге арналған ауа райы болжамын ұсынды, - деп хабарлайды Аqshamnews.kz.
Найзағай соғып, жаңбыр жауады
Қазақстан аумағының басым бөлігінде атмосфералық фронттардың өтуіне байланысты жаңбыр жауып, найзағай соғады деп күтіледі. 16 шілдеде еліміздің батысы мен солтүстігінде, 17 шілдеде солтүстік-батыс пен солтүстікте нөсер жауып, бұршақ пен дауыл болуы ықтимал. Тек оңтүстікте ауа райы ыстық әрі жауын-шашынсыз болады. Ел аумағында жел күшейеді, ал солтүстік-батыста түнде және таңертең тұман түседі.
Температура қандай болады?
16-17 шілде күндері республиканың оңтүстік-батысында аптап - 39-44 градус күтіледі. 17 шілдеде еліміздің орталығында да 40 градусқа дейін өте ыстық болады. Оңтүстікте 40-44 градус, оңтүстік-шығыста 40-42 градус ыстық болады. Солтүстік өңірлерде 30-35 градус, ал шығыста 35-38 градус аралығында аптап ыстық болады.
Шілдеде ауа райы қандай болады?
Бұған дейін синоптиктер 2025 жылғы шілдеге арналған ауа райы болжамын жариялаған. Болжамға сәйкес, шілдеде еліміздің көп бөлігінде тұрақсыз ауа райы сақталады. Жаңбыр, кей жерлерде нөсер түрінде, найзағаймен, бұршақпен және екпінді желмен бірге жүреді.
Оңтүстік өңірлерде қатты және өте қатты ыстық болады. Кей аудандарда шаңды дауыл болуы мүмкін. Бұл аймақтарда өрт қаупі өте жоғары деңгейде сақталады.