Лондон уақыты Астана уақытынан 4 сағат артта екенін ескерсек, 6 қазанда Қазақстанда АЭС салу мәселесіне арналған республикалық референдумға дауыс беру Лондонда кешірек аяқталады. Бұл туралы Англиядағы тілшіміз хабарлайды.
Ұлыбритания астанасындағы №376 сайлау учаскесі Қазақстан елшілігінің ғимаратында орналасқан.
Бұрынғы сайлаулардың тәжірибесі көрсеткендей, дауыс берушілердің саны түске қарай көбейеді, себебі елдің әр түкпірінен келетін қазақстандықтарға Лондонға жету үшін біраз уақыт қажет. Дауыс берушілердің көпшілігі студенттер болады деп күтілуде, себебі олар бұрын да белсенділік танытқан. Сонымен қатар, осы елде уақытша тұрып жатқан, турист ретінде келген, іссапармен жүрген қазақстандықтар да елшілік ғимаратында өз таңдауларын жасай алады.
"Референдумға дайындық қызу жүріп жатыр. Аккредиттелген журналистерге де хабар таратуға қажетті жағдайдың бәрі жасалды," - деді №376 сайлау учаскесінің төрағасы Руслан Қарабұлов.
6 қазанда аталмыш сайлау учаскесі Лондон уақытымен таңғы сағат 7:00-де ашылып, кешкі сағат 20:00-де жабылады.