33 жылда 11 премьер

33 жылда 11 премьер Сурет: интернеттен

Тәуелсіз Қазақстанның 11- премьер-министрі  Әлихан Смайылов та бүгін қызметінен кетті.


Бұған дейін егеменді елдің тарихындағы үкімет басшылары кімдер болып еді, қазір олар қайда?



Тәуелсіз Қазақстанның ең алғашқы премьер-министрі болған Сергей Терещенко (30.03.1951-10.02.2023) тура бір жыл бұрын қайтыс болды. Терещенко 1991-1994 жылдар аралығында Қазақстанның үкімет басшысы қызметін атқарды.



1994 жылдың қазан айынан бастап 1997 жылдың қазанына дейін  ҚР премьер-министрі болған Әкежан Қажыгелдин (27 наурыз 1952 ж) 1999 жылдан бері шетелде тұрады.



Үкіметті үшінші болып басқарған (1997-1999 ж) Нұрлан Балғымбаев (20 қараша 1947 жыл - 14 қазан 2015 жыл) 9 жыл бұрын өмірден өтті.



Үкіметті екі рет (1999-2002 ж) басқарған Қасым-Жомарт Тоқаев (17 мамыр 1953 жыл) 2019 жылғы 20 наурыздан бері Қазақстанның мемлекет басшысы.



Үкімет басында ұзақ отырмаған (2002-2003) Иманғали Тасмағамбетов (9 желтоқсан 1956 жыл) қазір Ұжымдық қауіпсіздік жөніндегі шарт ұйымының бас хатшысы.



Одан кейін үкімет басы алтыншы рет ауысқанда, бұл орынға келген (2003-2007)  Даниял Ахметов (15 маусым 1954) былтыр ШҚО әкімі қызметінен босатылған.



Тәуелсіз Қазақстан тарихында Кәрім Мәсімов (15 маусым 1965 жыл) те үкімет басшысы (2007-2012) қызметін (2014-2016) екі рет атқарған. 7 жылдай уақыт премьер-министр болған ол Ұлттық қауіпсіздік комитетін басқарып отырған тұсында Қаңтар оқиғасынан кейін ұсталып, 18 жылға сотталып кетті.



Үкімет басында 2012-2014 жылдар аралығында қызмет атқарған Серік Ахметов (25 маусым 1958 жыл) те сотты болды.



Үш жыл (2016-2019) премьер-министр болған – Бақытжан Сағынтаев (13 қазан 1963 жыл) 1 ақпаннан бастап  Еуразиялық экономикалық комиссия алқасының төрағасы қызметіне кірісті.



Саясат сахнасынан алыстап кеткен келесі премьер Асқар Мамин (23 қазан 1965 жыл) де 2019-2022 жылдар аралығында осы қызметті атқарды.



Әлихан Смайылов (18 желтоқсан 1972 жыл) үкімет басына Қаңтар оқиғасынан кейін 2022 жылы келді. Оған дейін бұрынғы премьер-министр Асқар Маминнің бірінші орынбасары қызметін атқарған.


 

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

14:52

14:36

14:25

14:14

14:13

14:02

13:37

13:13

13:10

13:08

13:03

13:01

12:55

12:54

12:39

12:30

12:22

12:18

12:14

11:52

11:49

11:18

09:08

19:44

19:41