15 сәуірге дейін банктер салық органдарына қазақстандықтардың 2026 жылдың І тоқсанындағы мобильді аударымдары туралы мәлімет тапсырады, – деп хабарлайды aqshamnews.kz тілшісі.
Осы деректер негізінде күмәнді жағдайлар анықталса, азаматтарға арнайы хабарлама жіберіледі.
Маңыздысы — бұл бірден айыппұл емес. Хабарламаға жауап беру үшін 30 жұмыс күні беріледі:
• келіссеңіз — салық есебін тапсырып, төлем жасап немесе тиісті режимге өте аласыз;
• келіспесеңіз — түсініктеме беруге құқығыңыз бар.
Егер хабарлама еленбесе немесе дәлел жеткіліксіз болса, онда ғана тексеру басталуы мүмкін.
2026 жылдан бастап тексеру тек мына 3 шарт бірге орындалғанда жүргізіледі:
• 3 ай ішінде 100-ден астам адамнан ақша түссе
• аударымдар қатарынан 3 ай бойы қайталанса
• жалпы сома 12 ең төменгі жалақыдан (1 020 000 ₸) асып кетсе
Айта кету керек, туыстар мен достар арасындағы қарапайым аударымдар бұл талаптарға кірмейді.