11 қарашадан 12 қарашаға қараған түнде Жерге бір уақытта екі күн плазмасының ағыны жақындайды. Бұл ағындар 9 және 10 қарашада тіркелген қуатты күн жарқылдарының салдарынан пайда болған, деп хабарлайды Аqshamnews.kz тілшісі Ғарыштық зерттеулер институтының Күн астрономиясы зертханасына сілтеме жасап.
Ғалымдардың қайта жүргізген есептеулері геомагниттік дауылдардың G3–G4 деңгейіне дейін күшею ықтималдығы жоғары екенін көрсетеді.
Мамандардың айтуынша, алдағы құбылыс қараша айының басында болған жағдайға ұқсас. Ол кезде жылдағы ең күшті дауылдың бірі болжанған еді. Бұл жолы да тікелей әсер күтіліп отыр, дегенмен жарқылдың негізгі бөлігі Жердің сызығынан 10–15 градусқа шеткері өтетіндіктен, магнитосфераға түсетін жүктеме сәл әлсіз болады.
Алғашқы соққы 11 қараша кешке жетуі мүмкін. Ол G1–G2 деңгейіндегі магниттік толқулар туғызып, Шығыс жартышарда айқын полярлық жарқылдардың көрінуіне ықпал етуі ықтимал. Ал екінші, күштірек фронт 12 қарашаға қараған түні немесе таңсәріде келіп, геомагниттік бұзылыстарды G3–G4 деңгейіне дейін күшейтуі мүмкін.