Қазақстан аумағында күн біртіндеп салқындап келеді. Солтүстік аймақтарда байқалған қыстың салқын лебі енді оңтүстік өңірлерге де таралуда.
Синоптиктердің болжамынша, алдағы күндері ауа температурасы төмендеп, кей аймақтарда қар аралас жаңбыр жауады, - деп хабарлайды Aqshamnews.kz.
1 қазанда Жамбыл, Алматы және Жетісу облыстарында түнгі уақытта жаңбыр жауып, арты қарға ұласуы мүмкін. Күндіз ауа температурасы +5…+10 °C аралығында болса, түнде үсік жүруі ықтимал.
Аймақтар бойынша ауа райы болжамы:
Астана: Күндіз +6…+8 °C, түнде −4…−6 °C, жауын-шашынсыз, жел жылдамдығы түнде 2–7 м/с, күндіз 9–14 м/с.
Алматы: Күндіз +6…+8 °C, түнде +6…+8 °C, бұлтты, жаңбыр жауады, кей жерлерде күшейеді. Жел 3–8 м/с, екпіні 13 м/с дейін жетуі мүмкін.
Шымкент: Күндіз +14…+16 °C, түнде +8…+10 °C, бұлтты, жаңбыр, найзағай күтіледі. Жел 8–13 м/с, кей сәттерде 15–20 м/с дейін күшеюі мүмкін.
Синоптиктер азаматтарға жылы киініп, ауа райының күрт өзгеруіне дайын болуға кеңес береді.