Павлодарда ҰБТ тапсыру кезінде көмектесемін деп уәде беріп, 1 млн теңге алған мұғалім ұсталды, - деп хабарлайды aqshamnews.kz тілшісі Polisia.kz-ке сілтеме жасап.
Полицияның мәліметінше, зардап шеккен азамат ақшасын алаяққа беріп, кейін уәде орындалмаған соң құқық қорғау органдарына жүгінген.
"Павлодар қаласындағы мектептердің бірінде бұрын мұғалім болып жұмыс істеген әйел ұлттық бірыңғай тест тапсыруға көмек көрсетемін деп 1 млн теңге алған. Қазір соталды тергеу басталды. Күдіктінің өңір аумағында осындай басқа да қылмыстарға қатысы бар-жоғы тексеріліп жатыр", – делінген хабарламада.
Полиция азаматтарға мұндай жағдайда бірден құқық қорғау органдарына хабарласуды ескертті.