2025 жылдың маусымы демалыстардан басталады. 1 маусым – жексенбі, ал 6 маусым – Құрбан айт мерекесіне орай ресми демалыс күні. Жаздың алғашқы айында елде бірнеше маңызды жаңалық пен өзгерістер болады. Аqshamnews.kz тілшісі қазақстандықтарды маусым айынан бастап қандай өзгеріс күтіп тұрғанын тізді.
Жаңа халықаралық әуекомпаниясы жұмысын бастайды
1 маусымнан бастап БАӘ-нің Air Arabia Abu Dhabi әуе компаниясы Қазақстанға алғашқы рейстерін бастайды. Абу-Дабиден Алматыға дейінгі тікелей рейстер аптасына үш рет: сейсенбі, жұма және жексенбі күндері қатынайтын болады. Алғашқы ұшақ 3 маусымда ұшады деп жоспарланып отыр.
Қосымша пойыздар іске қосылады
Маусым мен қыркүйек аралығында жазғы жолаушылар легіне орай 11 қосымша теміржол бағыты іске қосылады:
-
Алматы–Жалаңашкөл бағытында үш «Тальго» пойызы,
-
Астана–Достық – аптасына 2 рет,
-
Алматы–Достық – екі күнде бір рет,
-
Семей–Достық және Өскемен–Достық бағыттары – әр екі күн сайын,
-
Астана–Алматы және Астана–Шымкент пойыздары – күнделікті қатынайды.
Бұл өзгерістер қосымша 270 мың жолаушыны тасымалдауға мүмкіндік береді.
сурет: depositphotos.com
Смартфондарды тіркеу мерзімі ұзартылды
25 маусымға дейін жеке тұлғалар шетелден әкелген смартфондарын тегін тіркей алады. Бұл шара – жөндеуден өткен немесе ұрланған смартфондардың елге заңсыз әкелінуіне жол бермеу үшін қолға алынды.
-
Бір адам 2 құрылғыны ғана тіркей алады.
-
Тіркеу eGov Mobile қосымшасы арқылы жүргізіледі.
Ал импорттаушылар үшін тексеру 25 мамырдан бастап ақылы және ресми құжаттарды ұсыну міндеттеледі.
сурет: depositphotos.com
Алматыда электр энергиясы қымбаттауы мүмкін
1 маусымнан бастап Алматы қаласында электр энергиясының тарифтері қайта көтерілуі мүмкін. Қазіргі жоба бекітілсе:
-
Халық үшін тариф – 27,59 теңгеден 29,52 теңгеге дейін көтеріледі.
-
Заңды тұлғалар – 38,66 теңге, ал бюджеттік мекемелер 111,72 теңге төлейтін болады.
Тарифтерді көтеру туралы шешім әзірге бекітілмеген, табиғи монополияларды реттеу департаменті қарауында.
сурет: depositphotos.com
Мектеп бітірушілер емтихан тапсырады
9 және 11 сынып оқушылары мемлекеттік қорытынды аттестация тапсырады:
-
9-сынып оқушылары: 4 пәннен (математика, таңдау пәні және қазақ/орыс тілі).
-
11-сынып: 5 пән (алгебра, Қазақстан тарихы, таңдау пәні және қазақ/орыс тілі).
Емтихан күндері:
-
Соңғы емтихан: 9-сыныптар үшін – 10 маусым,
-
11-сыныптар үшін – 16 маусым.
-
Түлектерге аттестат табыстау: 18-20 маусым аралығы.
сурет: depositphotos.com