Синоптиктер 10, 11 және 12 желтоқсанға арналған Астана мен Алматыдағы ауа райы болжамын ұсынды, деп хабарлайды Аqshamnews.kz тілшісі.
Астана
10 желтоқсан – ауыспалы бұлтты, жауын-шашынсыз. Солтүстік жел түнде 9–14, күндіз 3–8 м/с. Ауа температурасы түнде –24…–26°С, күндіз –18…–20°С.
11 желтоқсан – ауыспалы бұлтты, жауын-шашынсыз. Оңтүстік-шығыс желі түнде 3–8, күндіз 7–12 м/с. Түнде –22…–24°С, күндіз –10…–12°С.
12 желтоқсан – ауыспалы бұлтты, жауын-шашынсыз. Оңтүстік-шығыс желі 9–14 м/с. Түнде –10…–12°С, күндіз –5…–7°С.
Алматы
10 желтоқсан – бұлтты, қар, түнде қатты қар күтіледі. Тұман, көктайғақ. Солтүстік-батыс желі 3–8 м/с. Ауа температурасы түнде де, күндіз де –7…–9°С.
11 желтоқсан – ауыспалы бұлтты, түнде қар. Жолдарда көктайғақ сақталады. Солтүстік-шығыс желі 3–8 м/с. Түнде –13…–15°С, күндіз –4…–6°С.
12 желтоқсан – ауыспалы бұлтты, жауын-шашынсыз. Солтүстік-шығыс желі 3–8 м/с. Түнде –7…–9°С, күндіз ауа температурасы +4…+6°С дейін жылынады.
Антициклон аяз әкеледі
Бұған дейін «Қазгидромет» алдағы үш күнге арналған жалпы республика бойынша болжамын жариялаған. 9 желтоқсаннан бастап солтүстік антициклонның әсерінен елдің солтүстігі мен солтүстік-батысында ауа райы күрт суытады.
Синоптиктердің айтуынша, жауын-шашын азайып, түнгі температура:
-
солтүстікте –22…–30°С,
-
шығыста –27…–35°С,
-
оңтүстік пен оңтүстік-шығыста –10…–20°С дейін төмендейді.
