بۇعان سەبەپ – قىزاناق پەن بۇرىشتان كارانتيندىك ورگانيزمدەردىڭ انىقتالۋى.
ق ر اۋىل شارۋاشىلىعى مينيسترلىگىنىڭ مەملەكەتتىك ينسپەكسيا كوميتەتى ەنگىزگەن تىيىم 2021 جىلدىڭ 7 ماۋسىمىنان باستالدى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
تۇركىمەنستاننىڭ وسىمدىكتەر كارانتينى جونىندەگى مەملەكەتتىك قىزمەتىنىڭ فيتوسانيتاريالىق سەرتيفيكاتتارىنىڭ سۇيەمەلدەۋىمەن قازاقستانعا جەتكىزىلەتىن قىزاناقتارعا كارانتيندىك فيتوسانيتاريالىق باقىلاۋ جۇرگىزۋ كەزىندە «قوڭىر ءاجىم» ۆيرۋسىنىڭ (Tomato brown rugose fruit virus (ToBRFV) 19 دەرەگى انىقتالدى.
ISPM № 13 «سايكەسسىزدىك جانە شۇعىل ارەكەت ەتۋ تۋرالى نوتيفيكاسيالاۋ نۇسقاۋلىعى» فيتوسانيتاريالىق شارالار جونىندەگى حالىقارالىق ستاندارتتىڭ ەرەجەسىنە سايكەس (ريم، 2002)، تۇركىمەنستاننىڭ وسىمدىكتەر كارانتينى جونىندەگى مەملەكەتتىك قىزمەتىنىڭ اتىنا كارانتيندىك فيتوسانيتاريالىق تالاپتاردىڭ بۇزىلۋى تۋرالى نوتيفيكاسيالار جىبەرىلدى.
كورشى رەسپۋبليكانىڭ ۋاكىلەتتى ورگاندارىنىڭ ەكسپورتتالاتىن ونىمدە ۆيرۋستىڭ پايدا بولۋ سەبەپتەرىن تەكسەرۋ تۋرالى وبەكتيۆتى دەرەكتەرىنىڭ بولماۋىنا بايلانىستى جانە قازاقستان اۋماعىنداعى كارانتيندىك فيتوسانيتاريالىق احۋالدى ۋشىقتىرىپ الماۋ ماقساتىندا تۇركىمەنستاننان قىزاناق پەن بۇرىش اكەلۋگە ۋاقىتشا تىيىم سالدى.
جالپى، وسىمدىكتەر كارانتينى سالاسىندا جىل باسىنان بەرى قازاقستان رەسپۋبليكاسىنىڭ اۋماعىنا كارانتينگە جاتقىزىلعان ءونىمدى اكەلۋگە قاتىستى 1300-دەن استام زاڭ بۇزۋشىلىق انىقتالدى. كارانتيندىك فيتوسانيتاريالىق تالاپتاردى بۇزىپ، كارانتينگە جاتقىزىلعان 11 مىڭ توننا ءونىمدى جەتكىزبەك بولعانداردىڭ جولى كەسىلدى. قازاقستانعا جەتكىزىلەتىن ونىمنەن كارانتيندىك وبەكتىلەر تابىلعان 155 جاعداي تىركەلدى. ءتارتىپ بۇزعاندار اكىمشىلىك جاۋاپكەرشىلىككە تارتىلىپ، 56 ملن تەڭگەدەن استام سومادا ايىپپۇل تولەدى.