ق ر ەڭبەك جانە حالىقتى الەۋمەتتىك قورعاۋ ءمينيسترى حالىقارالىق فورۋمعا قاتىستى
ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ تاراز قالاسىندا ونلاين رەجيمىندە ءوتىپ جاتقان «الەۋمەتتىك كاسىپكەرلىك: قوعام مەن بيزنەس ءۇشىن جاڭا مۇمكىندىكتەر» اتتى حالىقارالىق فورۋمدا ءسوز سويلەدى، دەپ حابارلادى Almaty-akshamy.kz. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى تاراتقان حابارعا سىلتەمە جاساپ.
ق ر ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) جامبىل وبلىسىنىڭ اكىمدىگىمەن بىرلەسىپ ۇيىمداستىرعان ءىس-شاراعا مەملەكەتتىك ورگانداردىڭ وكىلدەرى، ق ر پارلامەنتىنىڭ دەپۋتاتتارى، «اتامەكەن» ۇكپ، الەۋمەتتىك كاسىپكەرلىك سالاسىنداعى قازاقستاندىق جانە حالىقارالىق عىلىمي قوعامداستىقتىڭ وكىلدەرى، رەسەي، يزرايل، قىرعىزستان، تاجىكستان ساراپشىلار جانە ت.ب. قاتىستى.
ەڭبەكمينىنىڭ باسشىسى ءوز سوزىندە مەملەكەت رەسۋرستارىنىڭ شەكتەۋلىلىگى جاعدايىندا الەۋمەتتىك كاسىپكەرلىك الەۋمەتتىك ماسەلەلەردى شەشۋدىڭ ەڭ ءتيىمدى الەمدىك تاسىلدەرىنىڭ ءبىرى بولىپ تابىلاتىنىن اتاپ ءوتتى.
«حالىقارالىق تاجىريبەدە الەۋمەتتىك كاسىپكەرلىك كاسىپورىن يەلەرى ءۇشىن پايدانى كوبەيتۋ ءتاسىلى رەتىندە ەمەس، بەلگىلى ءبىر الەۋمەتتىك ماسەلەنى شەشۋ نەمەسە قوعامعا پايدا بەرۋ ماقساتىندا قىزمەتتەر كورسەتۋ نەمەسە تاۋارلار ءوندىرۋ رەتىندە تۇسىنىلەدى. سونداي-اق، مۇمكىندىكتەرى شەكتەۋلى ادامدار جۇرگىزەتىن بيزنەس نەمەسە ەرەكشە قاجەتتىلىكتەرى بار ادامداردى جانە حالىقتىڭ الەۋمەتتىك وسال توپتارىنىڭ وكىلدەرىن جۇمىس ورىندارىمەن قامتاماسىز ەتەتىن كاسىپكەرلەر الەۋمەتتىك كاسىپكەرلىك بولىپ تابىلادى»، – دەدى سەرىك شاپكەنوۆ.
ءمينيستردىڭ ايتۋىنشا، الەۋمەتتىك كاسىپكەرلىك دامىعان ەلدەردە (ۇلىبريتانيا، اقش جانە وڭتۇستىك كورەيا) الەۋمەتتىك كاسىپكەرلىك بويىنشا كوپتەگەن دامۋ ينستيتۋتتارى بار، ۇكىمەتتىك ەمەس ۇيىمدار مەن الەۋمەتتىك كاسىپكەرلەر كوپ، قارجىلاي جانە قارجىلاي ەمەس قولداۋ شارالارى تۇراقتى نەگىزدە كورسەتىلەدى.
الەۋمەتتىك كاسىپكەرلىك قالىپتاسۋ ساتىسىنداعى ەلدەردە (كولۋمبيا، ەگيپەت، ءۇندىستان) قولداۋ شارالارى تۇراقتى نەگىزدە كورسەتىلمەيدى، دامۋ ينستيتۋتتارى مەن الەۋمەتتىك كاسىپكەرلەردىڭ بولماۋى نە بولماشى سانى بايقالادى.
«قازاقستاندا الەۋمەتتىك كاسىپكەرلىكتى قولداۋ ءۇشىن سالىق زاڭناماسىندا ءبىرقاتار ىنتالاندىرۋشى شارالار قاراستىرىلعان. مىسالى، مۇگەدەكتىگى بار قىزمەتكەرلەر سانى 51%-دى قۇرايتىن ۇيىمدار كورپوراتيۆتىك تابىسقا سالىناتىن، الەۋمەتتىك جانە جەر سالىعىنان بوساتىلعان، مۇلىك سالىعىن ەسەپتەۋ كەزىندە ولارعا جەڭىلدىكتەرگە بەرىلەدى»، – دەپ حابارلادى سەرىك شاپكەنوۆ.
سونىمەن قاتار، بارلىق سالىق تولەۋشىلەر، ءتىپتى الەۋمەتتىك كاسىپكەر ەمەس ادامدار ءۇشىن كەلەسى جەڭىلدىكتەر قاراستىرىلعان:
- مۇلىكتى قايتارىمسىز (كوممەرسيالىق ەمەس جانە الەۋمەتتىك ۇيىمدارعا) بەرگەن نەمەسە قايىرىمدىلىق كومەك كورسەتكەن كەزدە قۇنعا سالىق سالىناتىن تابىستىڭ مولشەرى 4% - عا دەيىن تومەندەتىلەدى؛
- مۇگەدەكتىگى بار ادامدارعا تولەنگەن ەڭبەكاقىعا سالىقتىق مولشەرلەمە 2 ەسەلەنگەن مولشەرگە جانە مۇگەدەكتىگى بار ادامدارعا تولەنگەن ەڭبەكاقى جانە باسقا دا تولەمدەردەن الەۋمەتتىك سالىق سوماسىنان 50% - عا تومەندەتىلدى؛
- مۇگەدەكتىگى بار ادامدار جەكە تابىس سالىعىن تولەۋدەن بوساتىلدى (كۇنتىزبەلىك جىل ءۇشىن 882 ەسەلەنگەن اەك نەمەسە 2،4 ملن تەڭگە شەگىندە).
بۇدان باسقا، «مەملەكەتتىك ساتىپ الۋ تۋرالى» زاڭعا سايكەس، تاۋارلاردىڭ، جۇمىستاردىڭ، كورسەتىلەتىن قىزمەتتەردىڭ جەكەلەگەن تۇرلەرى ولاردى جۇمىسپەن قامتۋ ماقساتىندا مۇگەدەك ادامداردىڭ ۇيىمدارىنان عانا ساتىپ الىنادى.
«بۇگىندە الەۋمەتتىك كاسىپكەرلىكتى دامىتۋ ماقساتىندا قازاقستاندا الەۋمەتتىك كاسىپكەرلىك مادەنيەتىن دامىتۋعا نازار اۋدارعان ماڭىزدى. وتكەن اپتادا پارلامەنت سەناتىنىڭ دەپۋتاتتارى الەۋمەتتىك كاسىپكەرلىك ماسەلەلەرى بويىنشا زاڭ قابىلدادى. بۇل الەۋمەتتىك كاسىپكەرلىكتى دامىتۋدىڭ ناقتى انىقتاماسى مەن باعىتىن قالىپتاستىرۋعا، قانداي دا ءبىر كاسىپورىندى الەۋمەتتىك كاسىپكەرلىك سۋبەكتىسىنە جاتقىزۋ كريتەرييلەرىن ايقىنداۋعا، مەملەكەتتىك قولداۋ شارالارىن جۇيەلەۋگە مۇمكىندىك بەرەدى»، – دەپ اتاپ ءوتتى مينيستر.
ءوز ءسوزىنىڭ سوڭىندا سەرىك شاپكەنوۆ تاراز قالاسىندا ءوتىپ جاتقان فورۋم الەۋمەتتىك كاسىپكەرلىكتى دامىتۋداعى جانە مەملەكەت پەن كاسىپكەرلەر اراسىنداعى ىنتىماقتاستىقتى نىعايتۋداعى ماڭىزدى قادام بولاتىنىنا سەنىم ءبىلدىردى، سونداي-اق ءىس-شاراعا قاتىسۋشىلاردان زاڭناماعا ەنگىزىلگەن وزگەرىستەردى ەسكەرە وتىرىپ، ءتۇرلى الاڭداردا الەۋمەتتىك كاسىپكەرلىك ماسەلەسىن بەلسەندى ىلگەرىلەتۋدى سۇرادى.
ەكى كۇندىك فورۋم اياسىندا مىناداي تاقىرىپتاردا 3 پانەلدىك سەسسيا وتەدى: «الەمدەگى الەۋمەتتىك كاسىپكەرلىكتى دامىتۋ. دامۋ ۇردىستەرى»، «قازاقستان رەسپۋبليكاسىنداعى الەۋمەتتىك كاسىپكەرلىكتى قولداۋ تەتىكتەرى»، «حالىقارالىق تاجىريبە. پايدالى لايفحاكتار مەن قۇرالدار» اتتى سەمينار، سونداي-اق الەۋمەتتىك كاسىپكەرلىكتى دامىتۋ بويىنشا ماستەر-كلاستار وتكىزىلدى.