مينيستر 2020 جىلى تج رەجيمى مەن كارانتين ەنگىزىلگەن كەزدە حالىقتى قولداۋدىڭ قوسىمشا شارالارى كورسەتىلگەنىن اتاپ ءوتتى.
ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ حالىققا ەسەپ بەرۋ كەزدەسۋىندە توتەنشە جاعداي (بۇدان ءارى – تج) رەجيمى جانە COVID-19 پاندەمياسىنا بايلانىستى كارانتيندىك شەكتەۋ شارالارى كەزەڭىندە ۇيىمداستىرىلعان قازاقستاندىقتاردى الەۋمەتتىك قولداۋ شارالارى تۋرالى ايتىپ بەردى، دەپ حابارلادى Almaty-akshamy.kz. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
العاش رەت مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر ەنگىزىلدى:
- بىرىنشىدەن، قىزمەتىن شەكتەۋگە بايلانىستى تابىسىنان ايىرىلعان ازاماتتار ءۇشىن – ەڭ تومەنگى جالاقى مولشەرىندە تولەمدەر ەنگىزىلدى. تج جانە كارانتين كەزەڭىندە ولاردى 476 ملرد. تەڭگە سوماسىنا 4،6 ملن. ادام الدى؛
- ەكىنشىدەن، جۇمىستا COVID-19 جۇقتىرعان دارىگەرلەرگە جانە مەديسينا قىزمەتكەرلەرى قايتىس بولعان جاعدايدا ولاردىڭ وتباسىلارىنا تولەمدەر قاراستىرىلدى. 9،5 مىڭ ادام 20،5 ملرد تەڭگە سوماسىندا تولەم الدى.
بۇدان باسقا، اي سايىن الەۋمەتتىك جاعىنان وسال ساناتتارداعى 1 ملن-نان استام ازامات جالپى سوماسى 25 ملرد تەڭگەگە ازىق-تۇلىك جيىنتىعى تۇرىندە قولداۋ الدى (تابىسى از وتباسىلاردىڭ بالالارى، جۇمىسسىزدار، مۇگەدەكتىگى بار بالالار، مۇگەدەكتىگى بار بالا تاربيەلەپ وتىرعان 1-3 توپتاعى مۇگەدەكتىگى بار ادامدار).
ينفەكسيانىڭ كوبەيۋ ءقاۋپىن ازايتۋ ءۇشىن:
- 600 مىڭنان استام ادامعا اتاۋلى الەۋمەتتىك كومەك تاعايىنداۋ؛
- مۇگەدەكتىكتى بەلگىلەۋ جانە مۇگەدەكتىگى بار 55،5 مىڭ ادامعا جاردەماقى تولەۋ مەرزىمدەرى اۆتوماتتى تۇردە ۇزارتىلدى.