بۇل - وڭىردەگى ەڭ ىرگەلى ءارى جالعىز كەشەن.
ەلباسىنىڭ 100 دەنە شىنىقتىرۋ-ساۋىقتىرۋ كەشەنىن سالۋ تۋرالى تاپسىرماسىنا سايكەس، جانە ەل تاۋەلسىزدىگىنىڭ 30 جىلدىعىنا وراي شەكارالىق ايماق رايىمبەك اۋدانىندا زاماناۋي سپورت كەشەنى اشىلدى. نىساندى سالۋعا جانە ماتەريالدىق-تەحنيكالىق بازاسىن قالىپتاستىرۋعا وبلىستىق بيۋدجەتتەن 1،3 ملرد. تەڭگە ءبولىندى، دەپ حابارلايدى Almaty-akshamy.kz الماتى وبلىسى اكىمىنىڭ رەسمي سايتىنا سىلتەمە جاساپ.
نارىنقول اۋىلىندا سالىنعان بۇل دەنە شىنىقتىرۋ-ساۋىقتىرۋ كەشەنى – ەلدى مەكەندەگى ەڭ ىرگەلى سپورتتىق نىسان. كەشەندە سپورتتىق ويىن تۇرلەرىنە، كۇرەس، بوكس، ۇستەل تەننيسىنە ارنالعان زالدار جانە ترەناجەرلىق زال بار.
سونىمەن قاتار كيىم شەشەتىن بولمە، بۋفەت، گاردەروب، كەڭ اسحانا، مەديسينالىق جانە ماسساج كابينەتتەرى، دەمالىس بولمەسى، اكىمشىلىك كابينەتتەرى، ءماجىلىس زالى دا قاراستىرىلعان. كورەرمەن تريبۋناسى 180 ورىنعا ارنالعان. اۋلادا ۆولەيبول الاڭى، اشىق فۋتبول الاڭى بار، مۇندا جازدى كۇندەرى سپورتشىلار تازا اۋادا جاتتىعادى. بالالاردى تاجىريبەلى سپورتشىلار جاتتىقتىرادى. رەسپۋبليكالىق جانە حالىقارالىق جارىستاردا وبلىستىڭ نامىسىن قورعاعان، سونىڭ ىشىندە رايىمبەك اۋدانىنان شىققان اتاقتى چەمپيونداردىڭ قاتىسۋىمەن شەبەرلىك ساعاتتارىن وتكىزۋ جوسپارلانعان.
عيماراتتىڭ جالپى الاڭى 4،8 مىڭ شارشى مەتر، ماڭايىنا بەينەباقىلاۋ ورناتىلعان.
قۇرىلىستىڭ باس مەردىگەر مەكەمەسى «فۋد مس»ج ش س بولدى. اۆتورلىق جانە تەحنيكالىق قاداعالاۋدى «سارتوبە» ج ش س مەن «گەودەزيا سەرۆيس» ج ش س ماماندارى جۇرگىزدى. قۇرىلىس جۇمىستارىنا بارلىق ساتىدا تاپسىرىس بەرۋشى رەتىندە وبلىستىق دەنە شىنىقتىرۋ جانە سپورت باسقارماسى باقىلاۋ جاسادى.