وڭىرلەر اراسىندا ورتاشا جالاقىنىڭ ەڭ كوپ ءوسىمى ۇلىتاۋ وبلىسىندا تىركەلدى
ۇلتتىق ستاتيستيكا بيۋروسى ۇسىنعان دەرەكتەرگە سايكەس، قازاقستان بويىنشا ايلىق جالاقىنىڭ ورتاشا ءمانى 2022 جىلدىڭ ءتورتىنشى توقسانىندا (شاعىن كاسىپورىنداردى ەسەپتەمەگەندە) 338 715 تەڭگەنى قۇرادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
"IV توقسانداعى ورتاشا جالاقىنىڭ ءوسىمى جىل سوڭىنداعى سىيلىقاقىلار مەن مەرەكەلىك تولەمدەر ەسەبىنەن جالاقى قورىنىڭ ۇلعايۋىمەن بايلانىستى. ورتاشا جالاقىنى ەسەپتەۋ كەزىندە جالاقى قورى كولەمى جۇمىسشىلار سانىنا قاراي بولىنەدى. بۇل مالىمەتتەردى ءبىز قىزمەتكەرلەر سانى جانە جالاقى قورى بويىنشا بيۋروعا ەسەپ بەرگەن كاسىپورىندار مەن ۇيىمداردان الامىز. الىنعان دەرەكتەرگە كاسىپكەرلىك قىزمەتپەن اينالىساتىن شاعىن كاسىپورىنداردى قامتىمايتىنىن اتاي كەتكەن ءجون"، - دەپ ءتۇسىندىردى بيۋرونىڭ ەڭبەك ستاتيستيكاسى جانە ءومىر ءسۇرۋ دەڭگەيى دەپارتامەنتىنىڭ ديرەكتورى ناتاليا بەلونوسوۆا.
ونىڭ ايتۋىنشا، ورتاشا ايلىق جالاقىنىڭ ەڭ كوپ ءوسىمى قۇرىلىس سالاسىندا (42%)، باسپانانى جالعا بەرۋ جانە تاماقتانۋ قىزمەتتەرىندە (32،6%)، اقپارات پەن بايلانىس قىزمەتىندە (31،9%) تىركەلگەن.
2021 جىلدىڭ IV توقسانىمەن سالىستىرعاندا ايلىق جالاقىنىڭ ورتاشا ءمانىنىڭ تومەن بولۋى وزگە دە قىزمەت تۇرلەرىن ۇسىنۋ سالاسىندا (2،4%-عا) بايقالدى.
وڭىرلەر اراسىندا ورتاشا جالاقىنىڭ ەڭ كوپ ءوسىمى ۇلىتاۋ وبلىسىندا تىركەلدى - 35،2%. ەڭ از ءوسىم الماتى وبلىسىندا بايقالدى - 6،5%.
بۇل رەتتە ءتورتىنشى توقسانداعى ورتاشا جالاقى كولەمى 204 168 تەڭگەنى قۇرادى.
ۇلتتىق ستاتيستيكا بيۋروسى ءى توقساندا جالاقىنىڭ ورتاشا ءمانى 285 433 تەڭگەنى، ءىى توقساندا 312 011 تەڭگەنى، ءىىى توقساندا 299 782 تەڭگەنى قۇراعانىن ەسكە سالدى.