قازاقستاندا قىركۇيەكتەن باستاپ نە وزگەرەدى؟

كۇزدىڭ العاشقى ايى قازاقستاندىقتار ءۇشىن ءبىرقاتار جاڭالىقتارپەن باستالماق. بيىل كونستيتۋسيا كۇنى (30 تامىز) سەنبىگە تۇسكەندىكتەن، قازاقستاندىقتار 1 قىركۇيەك تە دەمالادى. ال مەكتەپ وقۋشىلارى جاڭا ستاندارت بويىنشا تاماقتانۋدى باستايدى. بۇدان بولەك، قىركۇيەكتەن باستاپ بىرنەشە ماڭىزدى وزگەرىس كۇشىنە ەنەدى. ولار قانداي؟ اqshamnews.kz ءتىلشىسى ءتىزدى. 

ءموبيلدى اۋدارىمدار قاتاڭ تەكسەرىلەدى

ەندى ءۇش اي ىشىندە 1 ميلليون تەڭگەدەن استام ءموبيلدى اۋدارىم جاساعاندار سالىقتىق تەكسەرۋگە ىلىگۋى مۇمكىن. بۇل وزگەرىس ق ر سالىق كودەكسىنە ەنگىزىلگەن تۇزەتۋلەردە قاراستىرىلعان. پرەزيدەنت قاسىم-جومارت توقايەۆ شىلدەدە زاڭعا قول قويعان بولاتىن.

الايدا جاقىن تۋىستار اراسىنداعى اۋدارىمدار تەكسەرىلمەيدى. قارجى ۆيسە-مينيسترى ەرجان ءبىرجانوۆتىڭ ايتۋىنشا، مۇنداي جاعدايدا ازاماتتارعا الاڭداۋدىڭ قاجەتى جوق.

جىلجىمايتىن مۇلىك يەلەرىنە جاڭا تولەمدەر ەنگىزىلەدى

15 قىركۇيەكتەن باستاپ پاتەر، پاركينگ ورنى نەمەسە قويما يەلەرى ءۇش ءتۇرلى تولەمدى تولەۋگە مىندەتتى بولادى:

• اعىمداعى جارنا – ءۇيدى باسقارۋ مەن كۇتىپ-ۇستاۋعا كەتەتىن اي سايىنعى شىعىندار.

• جيناق جارناسى – كۇردەلى جوندەۋگە ارنالعان قور.

• ماقساتتى جارنا – بەلگىلى ءبىر قاجەتتىلىككە ارنالعان تولەم.

جارنانىڭ كولەمى پاتەردىڭ نەمەسە ورىنجايدىڭ اۋدانىنا بايلانىستى بولادى. ونىڭ ەڭ تومەنگى مولشەرىن ءماسليحات بەلگىلەيدى.

ەرەجە بۇزعاندار ايىپپۇلدىڭ ورنىنا قوعامدىق جۇمىسقا جەگىلەدى

1 قىركۇيەكتەن باستاپ قازاقستاندا جول قوزعالىسى ەرەجەسىن قايتالاپ بۇزعاندارعا ايىپپۇلدىڭ ورنىنا قوعامدىق جۇمىستار تاعايىندالادى. جاڭا تالاپ جۇرگىزۋشىلەرگە دە، جاياۋ جۇرگىنشىلەرگە دە، ەلەكترساموكات قولدانۋشىلارىنا دا قاتىستى.

• جەدەل جاردەم، پوليسيا نەمەسە ءورت ءسوندىرۋ كولىكتەرىنە جول بەرمەگەن جۇرگىزۋشىلەر.

• جولدى رۇقساتسىز كەسىپ ءوتىپ، اپاتقا سەبەپ بولعان جاياۋ جۇرگىنشىلەر.

• جول قوزعالىسىنا كەدەرگى كەلتىرگەن ەلەكترساموكات مىنۋشىلەر.

مىسالى، جول بەرمەگەن جۇرگىزۋشىگە 20 ساعات قوعامدىق جۇمىس جۇكتەلۋى مۇمكىن. قوعامدىق جۇمىس تۇرىنە كوشەلەردى تازالاۋ، ساياباقتاردى كۇتىپ-باپتاۋ نەمەسە الەۋمەتتىك نىسانداردى جوندەۋ كىرەدى. مۇنداي جۇمىستار كەزىندە ادامدار "قوعام الدىنداعى بورىشىمدى وتەپ ءجۇرمىن" دەگەن جازۋى بار جيلەت كيەدى.

بۇل شارا قوعامداعى ءتارتىپتى كۇشەيتۋگە، جول قاۋىپسىزدىگىن ارتتىرۋعا جانە ازاماتتاردىڭ جاۋاپكەرشىلىگىن كوتەرۋگە باعىتتالعان.

وقۋشىلار مەكتەپكە قايتا ورالادى

جاڭا وقۋ جىلى 2 قىركۇيەكتە باستالادى. سالتاناتتى جيىن كۇنىن ءار مەكتەپ ءوزى بەلگىلەي الادى. بيىل العاش رەت مەكتەپ تابالدىرىعىن 370 مىڭنان استام وقۋشى اتتايدى.

وقۋ جىلى 2026 جىلدىڭ 25 مامىرىنا دەيىن جالعاسادى.

جەكە كاسىپكەرلەردى تىركەۋ ءتارتىبى وزگەرەدى

15 قىركۇيەكتەن باستاپ تۇراقتى تۇردە جالدامالى جۇمىسشى ۇستايتىن جانە تابىسى 360 اەك-تەن (شامامەن 1،4 ملن تەڭگە) اساتىن ازاماتتار مىندەتتى تۇردە جەكە كاسىپكەر رەتىندە تىركەلۋى ءتيىس. بۇعان دەيىن مۇنداي تالاپ تابىسى ەڭ تومەنگى 12 جالاقىدان اسقاندارعا عانا قولدانىلاتىن.

كوللەدجدەردەگى جۇمىسشى ماماندىقتار تەگىن بولادى

9-سىنىپتان كەيىن كوللەدجگە تۇسكەن جاستار ەڭ سۇرانىسقا يە تەحنيكالىق ماماندىقتاردى تەگىن وقي الادى. بۇل باستاما جاستاردى قولداپ، ەڭبەك نارىعىن جاڭا كادرلارمەن تولىقتىرۋعا باعىتتالعان.

ءقازىر ەلدە 772 كوللەدج بار، وندا 565 مىڭنان استام ستۋدەنت ءبىلىم الادى. وقۋ ورىندارىنا قامقورلىق جاسايتىن كاسىپورىندار سانى 500-دەن اسادى، ال بولاشاقتا ولاردىڭ سانىن 4 مىڭعا جەتكىزۋ جوسپارلانىپ وتىر.

قىركۇيەكتە قازاقستاندىقتاردى ۇلكەن كونسەرتتەر كۇتىپ تۇر

• 6 قىركۇيەك – مينسكىدەن شىققان تانىمال ورىنداۋشى ماكس كورج الماتىداعى ورتالىق ستاديوندا كونسەرت بەرەتىنى ايتىلعان بولاتىن. بارلىق بيلەتتەر ساتىلىپ كەتكەن. الايدا ۇيىمداستىرۋشىلار بارلىق قاجەتتى قۇجاتتى ۋاقىتىندا تاپسىرماعاندىقتان كونسەرت بولمايتىن بولدى. 

• 7 قىركۇيەك - ورتالىق ستاديونتا تانىمال ءانشى ميراس جۇگىنىسوۆتىڭ كونسەرتى وتەدى. ءانشى مۇنداي دەڭگەيدە الماتىدا العاش رەت كونسەرت بەرگەلى وتىر. 

• 21 قىركۇيەك – الەمگە ايگىلى Backstreet Boys توبى ورتالى ستاديوندا ونەر كورسەتەدى. بيلەتتەر قۇنى 40 مىڭ تەڭگەدەن باستالادى.

سونداي-اق، "قايرات" فك چەمپيوندار ليگاسىنىڭ جالپى كەزەڭىنە شىقتى. كۇنى كەشە چل-نىڭ جەرەبە تارتۋ ءراسىمى ءوتىپ، الماتىلىق كلۋبتىڭ قارسىلاستارى انىقتالدى. الماتىعا ايگىلى "رەال مادريد" كلۋبى كەلىپ، "ينتەر"، "ارسەنال" سىندى بەلدى كلۋبتارمەن سىرت الاڭدا تەكەتىرەسەدى. ويىندار 16 قىركۇيەكتە باستالىپ، 28 قاڭتارعا دەيىن جالعاسادى. ونىڭ قورىتىندىسى بويىنشا ەڭ مىقتى سەگىز كوماندا تىكەلەي 1/8 فينالعا وتەدى، ال توعىزىنشى مەن 24ء-شى ورىن العان كلۋبتار پلەي-وفف ماچتارىنا قاتىسادى.

جالپى كەزەڭنىڭ تولىق كەستەسى، ونىڭ ىشىندە قايراتتىڭ قاتىسۋىمەن وتەتىن ويىندار 30 تامىزدا شىعادى.

الەمدە نە جاڭالىق؟

• جاڭا iPhone 17 تانىستىرىلادى. Apple كومپانياسى قىركۇيەكتىڭ العاشقى ونكۇندىگىندە جاڭا سمارتفون جەلىسىن ۇسىنادى. ءارتۇرلى ۇلگىلەرىنىڭ باعاسى 799 دوللاردان (شامامەن 430 مىڭ تەڭگە) باستالادى. ساتىلىم 19 قىركۇيەكتە باستالۋى مۇمكىن.

• 7 قىركۇيەك – جەر تۇرعىندارى سيرەك كەزدەسەتىن ايدىڭ تولىق تۇتىلۋىن تاماشالايدى. قازاقستان ۋاقىتىمەن 22:30–23:52 ارالىعىندا قۇبىلىستىڭ تولىق فازاسى بايقالادى.