پرەزيدەنتى قحا-نىڭ پاتريوتتىق يدەولوگياداعى رولىنە توقتالدى
ق ر قحا كەڭەسىنىڭ كەڭەيتىلگەن وتىرىسىندا پرەزيدەنت اسسامبلەيانىڭ ماڭىزدى رولىنە توقتالدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«بۇگىندە اسسامبلەيانىڭ كونستيتۋسيالىق مارتەبەسى بار. ول ءوز قىزمەتىندە قازاقستاندىقتاردى ەلدىڭ قوعامدىق-ساياسي ومىرىنە كەڭىنەن تارتۋعا باعىتتالعان جاڭا تاسىلدەر مەن ستاندارتتاردى ەنگىزەدى. اسسامبلەيا ءارقاشان مەملەكەتتىك ءتىلدى ناسيحاتتاۋعا جانە ونىڭ قازاقستانداعى مارتەبەسىن نىعايتۋعا كوپ كوڭىل ءبولدى. بۇل ءۇشىن ءبىز قحا-عا پاتريوتتىق ۇيىم رەتىندە قۇرمەت كورسەتۋىمىز كەرەك. ازاماتتىق بەلسەندىلىكتىڭ قايىرىمدىلىق، الەۋمەتتىك كاسىپكەرلىك، مەسەناتتىق، مەدياسيا سياقتى جاڭا نىساندارى ادەتتەگى تاجىريبەگە اينالدى»، - دەدى پرەزيدەنت قحا كەڭەسىنىڭ كەڭەيتىلگەن وتىرىسىندا.
پرەزيدەنتتىڭ ايتۋىنشا، الەمدىك تاجىريبە ەتنيكالىق فاكتور، ۇلتارالىق قاتىناستار ءالى كۇنگە دەيىن ءتۇرلى قاقتىعىستاردىڭ تۇتاندىرعىش وتتىعى بولىپ وتىرعانىن كورسەتكەن.
«ونىڭ دەسترۋكتيۆتى الەۋەتى اقپاراتتىق جانە گيبريدتىك سوعىستاردىڭ قازىرگى زامانىندا، پوپۋليستىك مالىمدەمەلەر مەن الىپساتارلىقتىڭ جيىلەپ كەتكەن كەزەڭىندە كۇشەيە ءتۇستى»، - دەدى قاسىم-جومارت توقايەۆ.