الماتى قالاسى بويىنشا قىلمىستىق اتقارۋ جۇيەسى دەپارتامەنتىنە قاراستى №11 مەكەمەسىنە ءابىلحان قاستەيەۆ اتىنداعى مەملەكەتتىك ونەر مۋزەيىنىڭ وكىلى كەلىپ، ءدارىس وتكىزدى، دەپ حابارلايدى aqshamnews.kz.
اتالعان بالالار كولونياسىندا جازاسىن وتەپ جاتقان جاسوسپىرىمدەرگە ۇلتتىق مۋزەيدىڭ گيد-ەكسكۋرسوۆودى، مادەني مۇرا ەسكەرتكىشتەرىن قورعاۋ بويىنشا ساراپشى وكسانا تانسكايا «قازاقستاندىق تۋتانحامون» دەگەن تاقىرىپ توڭىرەگىندە تانىمدىق اڭگىمە ءوربىتتى. دارىستە سكيف كەزەڭىنىڭ، التىن ادامنىڭ تاريحى، ساق قورعاندارىنىڭ ارحەولوگيالىق ولجالارى ەگجەي-تەگجەيلى باياندالدى.
– وسىنداي ءىس-شارالار جاسوسپىرىمدەردىڭ ەستەتيكالىق تالعامىن ارتتىرىپ، تاريحىمىزدى قۇرمەتتەي بىلۋگە ۇندەيدى دەپ بىلەمىن. سونداي-اق كەز-كەلگەن تانىمدىق كەش اياعىن جازا باسقان جاستارعا ءومىردىڭ ءمانىن تۇسىندىرۋدە، جامان جولعا ءتۇسىپ كەتپەي، وزىنە، وتباسىنا، قوعامعا پايدالى ىسپەن اينالىسۋىنا بولاتىن جولداردى كورسەتۋدە ۇلكەن ءرول اتقاراتىنى ءسوزسىز، – دەيدى №11 مەكەمە باستىعىنىڭ مىندەتىن اتقارۋشى ادىلەت پودپولكوۆنيگى نۇرلان كەرەبايەۆ.