تانزانيالىق ابدۋلرازاك گۋرنا ادەبيەت بويىنشا نوبەل سىيلىعىن الدى.
شۆەسيا كورولدىك عىلىم اكادەمياسىنىڭ نوبەل كوميتەتىنىڭ حابارلاۋىنشا، ۇلىبريتانيادا تۇراتىن تانزانيالىق ابدۋلرازاك گۋرنا ادەبيەت بويىنشا نوبەل سىيلىعىنىڭ لاۋرەاتى بولدى، دەپ حابارلايدى Almaty-akshamy.kz ريا نوۆوستي سايتىنا سىلتەمە جاساپ.
ابدۋلرازاك گۋرنا 1948 جىلى زانزيبار ارالىندا اراب ۇلتىنان شىققان مۇسىلماندار وتباسىندا دۇنيەگە كەلگەن. 20 جاسىندا ول ۇلىبريتانياعا قونىس اۋداردى، كەنت ۋنيۆەرسيتەتىندە دوكتورلىق ديسسەرتاسياسىن قورعادى جانە ءقازىر اعىلشىن ءتىلى كافەدراسىنىڭ اسپيرانتۋراسىن باسقارادى.
ول ءوزىنىڭ ادەبي دەبيۋتىن 1987 جىلى «كەتۋ تۋرالى ەستەلىك» رومانىمەن باستادى. جالپى العاندا، ونىڭ ون كىتابى بار، ولاردىڭ ەڭ اتاقتىسى - «جۇماق» (1994) جانە «تەڭىز جاعاسىندا» (2001)، ولار بۋكەر سىيلىعىنىڭ تىزىمىنە ەنگىزىلگەن. ونىڭ كىتاپتارى ورىس تىلىندە باسىلماعان.
نوبەل سىيلىعىنىڭ لاۋرەاتتارى ديپلوم، التىن مەدال جانە اقشالاي سىيلىققا يە بولادى - بيىل بۇل ون ميلليون شۆەد كرونى (شامامەن 1،2 ميلليون دوللار).
