ماماندار ءار كەلۋشىنىڭ اshyq قوسىمشاسىمەن كىرگەن-كىرمەگەنىن باقىلاپ، تەكسەرىس جۇرگىزدى.
الماتىدا كارانتين تالاپتارىن ساقتامايتىن كاسىپكەرلىك نىساندار ازايماي تۇر. سول ءۇشىن قالالىق شتابتىڭ ماماندارى كۇنى-تۇنى رەيد جۇرگىزىپ، تۇركسىب پەن مەدەۋ اۋدانىندا ورنالاسقان بىرنەشە مەيرامحانانىڭ جۇمىسىن اشكەرەلەدى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.
ەڭ قىزىعى، ۇستالعان مەكەمەلەردىڭ بارلىعىندا اشىق باعدارلاماسى بولسا دا، سانيتارلىق تالاپتار ساقتالمايدى.
قالالىق شتابتىڭ ماماندارى وتكەن ءتۇنى تۇركسىب اۋدانىنا قاراستى سەيفۋللين داڭعىلىنىڭ بويىندا ورنالاسقان مەكەمەنىڭ ۇستىنەن ءتۇستى. ماماندار ءار كەلۋشىنىڭ Ashyq قوسىمشاسىمەن كىرگەن-كىرمەگەنىن باقىلاپ، تەكسەرىس جۇرگىزدى.
بۇل مەكەمە اشىق باعدارلاماسىمەن جۇمىس ىستەسە دە، سانيتارلىق تالاپتار مۇلدە ساقتالماعان. سەبەبى كەلۋشىلەر 50 پايىزدان ارتىق. ءقازىر ماماندار انىقتالعان فاكتىلەر بويىنشا ءتيىستى شارالاردى جۇزەگە اسىرىپ جاتىر.
كەيىن تەكسەرۋشىلەر مەكەمەنىڭ قاسىنداعى تاعى ءبىر مەيرامحانا مەن اقان سەرى كوشەسىنىڭ بويىندا ورنالاسقان كاسىپكەرلىك نىساننىڭ جۇمىسىن اشكەرەلەدى. مۇندا دا اراقاشىقتىق ساقتالماعان.
«قالانىڭ «قىزىل» ايماقتا بولۋىنا بايلانىستى رەيد جۇمىستارى كۇشەيىپ جاتىر. قازىرگى ۋاقىتتا اۋداندا 4 مونيتورينگتىك توپ جۇمىس ىستەيدى. ەكەۋى كۇندىز، قالعان ەكەۋى تۇندە شىعادى»، – دەدى تۇركسىب اۋداندىق كاسىپكەرلىكتى جانە ونەركاسىپتى دامىتۋ ءبولىمىنىڭ باسشىسى رۇستەم وسەروۆ.
كوپ ۇزاماي ماماندار ءال-فارابي داڭعىلىنىڭ بويىندا ورنالاسقان تۇنگى بار مەن بوگەنباي باتىر كوشەسىندەگى مەيرامحانانى انىقتادى. سەبەبى مۇندا دا ادەتتەگىدەي اراقاشىقتىق ساقتالماعانى ءوز الدىنا، كەلۋشىلەر كارانتيندىك شەكتەۋلەردى ەلەمەگەن. ەستەرىڭىزدە بولسا، بۇل مەكەمەلەر وسىعان دەيىن دە بىرنەشە مارتە ءتارتىپ بۇزىپ، كوزگە تۇسكەن ەدى.
«الداعى ۋاقىتتا الماتى قالاسى بويىنشا رەيد جۇمىستارى جالعاسا بەرەدى جانە ءار اۋدان، قالا بويىنشا 8 مونيتورينگتىك توپ جۇمىس ىستەسە، ءار اۋدان بويىنشا 4 مونيتورينگتىك توپ بار. سوعان سايكەس، الماتى قالاسىنىڭ باس سانيتار دارىگەرىنىڭ جانە ق ر باس سانيتارىنىڭ قاۋلىلارىنا قۇلاق اسىپ جۇرگەن دۇرىس دەپ سانايمىن»، – دەدى قالالىق كاسىپكەرلەر پالاتاسىنىڭ وكىلى قۋانىشبەك جاقسىبەك.
وسىلايشا مونيتورينگتىك توپتار وتكەن ءتۇنى كوڭىل كوتەرەتىن ورىنداردا 14 ءتارتىپ بۇزۋشىلىقتى انىقتاپ، حاتتاما تولتىردى. ايتا كەتۋ كەرەك، قوعامدىق ورىنداردا اۋرۋ جۇقتىرۋى ىقتيمالدىعى وتە جوعارى.