2025 جىلعى العاشقى التى ايدىڭ قورىتىندىسى بويىنشا قازاقستاننىڭ ماشينا جاساۋ سالاسى 11،1% ەكونوميكالىق ءوسىم كورسەتتى.
16 شىلدەدە ۆيسە-پرەمەر – ۇلتتىق ەكونوميكا ءمينيسترى سەرىك ءجۇمانعاريننىڭ توراعالىعىمەن وتكەن ەكونوميكالىق ءوسۋدى قامتاماسىز ەتۋ جونىندەگى شتاب وتىرىسى سەكتوردىڭ قارقىنىن ودان ءارى جەدەلدەتۋدىڭ جانە قوسىمشا الەۋەتىن اشۋدىڭ مۇمكىندىگىن ەگجەي-تەگجەيلى تالقىلاۋعا ارنالدى.
ماشينا جاساۋ وڭدەۋشى ونەركاسىپتىڭ نەگىزگى سەكتورىنىڭ ءبىرى رەتىندە ونىڭ جالپى كولەمىنىڭ 19%-ىن قامتاماسىز ەتەدى.
ءوسۋدىڭ نەگىزگى درايۆەرلەرى: اۆتوموبيل (+12،1%)، تەمىرجول جانە باسقا دا كولىك قۇرالدارى (+7،1%)، اۋىل شارۋاشىلىعى تەحنيكاسى (+1،3%)، ەلەكتروتەحنيكا (+21،5%)، كومپيۋتەر، ەلەكتروندىق جانە وپتيكالىق جابدىق (ءوسىم 1،7 ەسە) ءوندىرىسى، سونداي-اق ماشينا جانە جابدىق جوندەۋ مەن ورناتۋ (+12%).