ءىىم وكىلدەرىنىڭ مالىمدەۋىنشە، قازاقستاندا الدىڭعى تەرەزەلەرگە تولىق نەمەسە جارتىلاي قاراڭعىلاۋعا رۇقسات بەرۋ ماسەلەسىنە قاتىستى ەشقانداي رەسمي سۇرانىس نەمەسە ۇسىنىس ۆەدومستۆوعا تۇسپەگەن، دەپ حابارلايدى aqshamnews.kz
ماجىلىسمەندەر اۆتوكولىك تەرەزەلەرىن جارتىلاي قاراڭعىلاۋعا رۇقسات بەرۋدى ۇسىنىپ وتىر، الايدا ىشكى ىستەر مينيسترلىگى بۇل ماسەلەنى مۇقيات زەرتتەۋ قاجەت دەپ ەسەپتەيدى.
بۇكىل ورگاننىڭ رەسمي ۇستانىمىن جاريالاۋ ءۇشىن ماسەلەنى كەشەندى ءارى جان-جاقتى زەرتتەۋ كەرەك. بۇعان دەيىن الدىڭعى جانە الدىڭعى بۇيىرلىك تەرەزەلەردى قاراڭعىلاۋعا تىيىم سالىنعان كەزدە، مۇنداي شەشىم جول-كولىك وقيعالارىنىڭ ءجيى تىركەلۋى سياقتى ستاتيستيكاعا سۇيەنىپ قابىلدانعان ەدى. ەگەر بۇل تاقىرىپ بويىنشا جاڭا زەرتتەۋلەر پايدا بولاتىن بولسا، وندا زاڭ جوباسى ازىرلەنگەن كەزدە ءبىز بۇل جونىندە باق-قا حابارلايمىز. تاعى دا قايتالاپ ايتامىن – ءبىزدىڭ زاڭ دەپارتامەنتىمىزگە ەشقانداي ۇسىنىس كەلىپ تۇسكەن جوق، – دەدى ق ر ءىىم زاڭناما جانە نورماشىعارماشىلىق قىزمەتتى ۇيلەستىرۋ دەپارتامەنتىنىڭ باستىعى رەنات زۇلقايىروۆ.