قىزىلورداداعى بالاباقشادا وسىدان ءۇش اي بۇرىن تاربيەشى مەن ونىڭ كومەكشىسىنىڭ سالعىرتتىعىنان ەكى جاسار ەركەجاننىڭ سول جاق اياعىن كۇيىك شالعان. ءبۇلدىرشىننىڭ اناسى اينۇر اqshamnews.kz رەداكسياسىنا حات جازىپ، وقيعانىڭ ءمان-جايىن ايتىپ بەردى. 

22 مامىردا تۇستەن كەيىن اينۇرعا بالاسىنىڭ تاربيەشىسى حابارلاسىپ، «قىزىڭىز اۋىرىپ قالدى» دەپ جەتكىزگەن. تاڭەرتەڭ ساۋ كەتكەن بالانىڭ جاعدايىن سۇراعان اناعا ولار «كۇيىپ قالدى» دەپ جاۋاپ بەرىپ، تەز جەتۋىن وتىنگەن.

جانۇشىرا جەتكەن اينۇر بالاسىنىڭ سول جاق اياعىن قاتتى كۇيىپ قالعانىن كورەدى. بىزگە جىبەرگەن سۋرەتتەرىنە قاراعاندا، ول ابايسىزدا كۇيىپ قالعانعا ۇقسامايدى. اناسىنىڭ ايتۋىنشا، تاربيەشىلەر جەدەل جاردەمدى دە  ۋاقىتىلى شاقىرماعان، سەبەبى «الدىمەن اناسىنان رۇقسات الۋ كەرەك» دەپ كۇتكەن. ناتيجەسىندە، بالاعا العاشقى مەديسينالىق كومەك وقيعا بولعاننان كەيىن ءۇش ساعاتتان سوڭ ءبىراق كورسەتىلگەن. 

«مەن بالاباقشاعا كىرىپ، بالانى كورگەن كەزدە ول جاتىر ەكەن. ءتىپتى جىلايتىن شاماسى جوق. دىرىلدەپ جاتتى. شوك الىپ قالعان»، - دەيدى اناسى. 

دارىگەرلەر ەركەجانعا 1ء-شى، 2ء-شى، 3ء-شى «ا» دارەجەلى كۇيىك جانە كۇيىكتەن الىنعان شوك دەگەن دياگنوز قويعان. ساتۋراسياسى تومەندەگەن بالا شۇعىل تۇردە رەانيماسياعا جاتقىزىلدى. ول جەردە ءۇش كۇن جاتىپ، جالپى پالاتادا 21 كۇن ەمدەلگەن. وسى ۋاقىت ىشىندە ەركەجانعا 5 رەت ناركوز جاسالىپ، بىرنەشە رەت قان قۇيىلعان.

سۋرەت: ەركەجاننىڭ اناسى اينۇر ايداربەكوۆانىڭ رەداكسياعا جولداعان سۋرەتى

ءقازىر بالانىڭ جاعدايى تۇراقتالعانىمەن، اياعىندا كۇيىك ىزدەرى كەتپەگەن. ءبۇلدىرشىن كۇندىز ويناپ جۇرگەنىمەن، تۇندە مازاسىزدانادى، تەرىنىڭ قىشۋىنا بايلانىستى دارى-دارمەكسىز ۇيىقتاي المايدى.

اناسىنىڭ تالاپ-تىلەگى

ەركەجانعا ەشقانداي ماتەريالدىق نە مورالدىق كومەك كورسەتىلمەگەن. كىنالىلەر جابىرلەنۋشىگە اقشا ۇسىنعان.  ءبىراق ونى «ارىزدان باس تارتۋ شارتىمەن» عانا بەرەتىنىن ايتقان. اناسى اينۇر بۇعان كەلىسپەي، اقشانى قابىلداماعان.

«مەنىڭ بار تىلەگىم تەرگەۋ شىنايى جۇرگىزىلىپ، كىنالىلەر زاڭ بويىنشا جازاسىن السا دەيمىن»، – دەيدى جابىرلەنۋشىنىڭ اناسى.

بالاباقشانىڭ جاۋابى

رەداكسيا وقيعا قالاي بولعانىن ءبىلۋ ءۇشىن بالاباقشاعا حابارلاسىپ، مەڭگەرۋشىمەن سويلەستى. 

ولاردىڭ ايتۋىنشا، تاربيەشى مەن ونىڭ كومەكشىسى بالانى «قول جۋعىشقا (راكوۆينا) ەڭكەيتىپ، باسىن جۋماق بولعان كەزدە بايقاماي اياعىن كۇيدىرىپ العانىن» ايتقان. الايدا اناسىنىڭ سوزىنشە، قول جۋعىشتىڭ ولشەمىنە بالانىڭ ءتىپتى باسى سىيمايدى، سوندىقتان بۇل تۇسىنىك قيسىنسىز.

وقيعا بولعان كۇنى قىلمىستىق ءىس قوزعالعان. ءبىرىنشى سوت-مەديسينالىق ساراپتاما «دەنساۋلىققا اۋىر زيان كەلدى» دەگەن قورىتىندى شىعاردى. ەكىنشى ساراپتامانىڭ ناتيجەسىندە دە كۇيىك الۋ مۇمكىندىگى راستالعان. ءبىراق تەرگەۋ ءىسى ءالى تولىق اياقتالعان جوق.

ءقازىر ەركەجان بارىپ جۇرگەن جەكەمەنشىك بالاباقشا جۇمىسىن توقتاتقان. بالاباقشا مەڭگەرۋشىسى بۇل اقپاراتتى راستادى. ول بالانىڭ اياعىن كۇيدىرىپ العان ەكى قىزمەتكەر جۇمىستان ارنايى "باپپەن" شىعارىلعانىن حابارلادى. ياعني، ولار ەندى بۇل سالادا قىزمەت ەتە المايدى. 

پوليسيا نە دەيدى؟

رەداكسياعا حات جولداعان ەركەجاننىڭ اناسى قىلمىستىق ءىستىڭ تەرگەۋى دە ۇزاققا سوزىلىپ كەتكەنىنە الاڭداپ وتىر. وسى ءىستىڭ قالاي جۇرگىزىلىپ جاتقانى جايلى تولىعىراق ءبىلۋ ءۇشىن قىزىلوردا وبلىسى پوليسيا دەپارتامەنتىنە  ارنايى ساۋال جولدادىق.

رەسمي تۇردە جولداعان حاتىمىزعا جاۋاپتى ورگاننان مىنانداي جاۋاپ كەلدى:

«22.05.2025 جىلى بولعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 141-بابىنىڭ 1-بولىگىمەن (بالالاردىڭ ءومiرi مەن دەنساۋلىعىنىڭ قاۋiپسiزدiگiن قامتاماسىز ەتۋ ءجونiندەگi مiندەتتەردi تيىسىنشە ورىنداماۋ) سدتتبت-نە قىلمىستىق ءىس تىركەلگەن.

ءقازىر ءتيىستى ساراپتامالار تاعايىندالىپ، تەرگەپ-تەكسەرۋ ارەكەتتەرى جۇرگىزىلىپ جاتىر. تەرگەپ-تەكسەرۋ ناتيجەسىمەن قىسقا مەرزىم ىشىندە قىلمىستىق ىسكە قاتىسۋشى ءاربىر تۇرعانىڭ ىس-ارەكەتىنە قۇقىقتىق باعا بەرىلىپ، قىلمىستىق ىسكە شەشىم قابىلداتىن بولادى. ق ر قپك-نىڭ 201-بابىنىڭ تالابىنا سايكەس وزگە تەرگەۋ مالىمەتتەرى جاريالانۋعا جاتپايدى».

الايدا پوليسيا تەرگەۋ قاي ۋاقىتتا اياقتالاتىنى، شەشىم قاشان شىعارىلاتىنى تۋرالى ناقتى اقپارات بەرگەن جوق. بۇل ءىس رەداكسيا باقىلاۋىندا. 

ەسكە سالايىق، بۇعان دەيىن الماتىلىق اتا-انا قىزىنىڭ بالاباقشادا تاياق جەگەنىنە شاعىمدانعانىن حابارلاعان ەدىك.