بۇل وقيعا 27 شىلدە كۇنى قالامىزداعى №47 بالاباقشادا بولعان.
بالاباقشاداعى بەينەكامەراعا ەر بالانىڭ قىزدى قايتا-قايتا ۇرىپ جاتقانى ءتۇسىپ قالعان، دەپ حابارلايدى aqshamnews.kz
كادرلاردان بالانىڭ قىزدى 6 مينۋت بويى بەتىنەن ۇرعانىن كورۋگە بولادى.
قىزدىڭ اناسىنىڭ ايتۋىنشا، قىزدىڭ بەتى، ەرنى ءىسىپ، كوگەرىپ كەتكەن. اۋىز قۋىسىندا ۇلكەن گەماتوما پايدا بولىپتى. بەتتىڭ وڭ جاعى مۇلدە قوزعالماي قالعان. ويتكەنى ءىسىنىپ، جانسىزدانعان.
وقيعا كەزىندە تاربيەشى ادىستەمەلىك ءىس-شارالارعا قۇجاتتاردى دايىنداعاندىقتان بولمەدە بولماعان. كۇتۋشى بالالار جاتقان بولمەگە 30 مينۋتتان كەيىن كەلگەن. تاربيەشى مەن ونىڭ كومەكشىسىنە قاتاڭ سوگىس تۇرىندەگى تارتىپتىك جازا قولدانىلدى.
ال پوليسيا تەرگەۋ امالدارىن جۇرگىزىپ جاتىر.