جۇرگىزۋشى كۋالىگىنەن ايىرىلعان ماس ەر ادام پوليسيادان قاشىپ، پاترۋلدىك كولىكپەن سوقتىعىستى

جۇرگىزۋشى كۋالىگىنەن ايىرىلعان ماس ەر ادام پوليسيادان قاشىپ، پاترۋلدىك كولىكپەن سوقتىعىستى، - دەپ حابارلايدى aqshamnews.kz ءتىلشىسى. 
 
جۇرگىزۋشى كۋالىگىنەن ايىرىلعان ەر ادام ماس كۇيىندە اۆتوكولىك تىزگىنىن ۇستاعان.
 
پوليسيا قىزمەتكەرلەرى توقتاتۋ تالابىن قويعان كەزدە، ول زاڭدى تالاپقا باعىنباي، وقيعا ورنىنان بوي تاسالاۋعا تىرىسقان.
 
قاشىپ بارا جاتىپ بىرنەشە رەت جول قوزعالىسى ەرەجەلەرىن ورەسكەل بۇزىپ، اينالاداعى ادامداردىڭ ءومىرى مەن دەنساۋلىعىنا ءقاۋىپ ءتوندىردى.
 
كەيىن پاترۋلدىك اۆتوكولىكپەن سوقتىعىسقان.
 
بۇزاقى ۇستالىپ، ۋاقىتشا ۇستاۋ يزولياتورىنا قامالدى.
 
سوت ۇكىمىمەن ول كىنالى دەپ تانىلىپ، 4 جىل مەرزىمگە باس بوستاندىعىنان جانە ءومىر بويى كولىك باسقارۋ قۇقىعىنان ايىرىلدى.
 
كەلتىرىلگەن ماتەريالدىق شىعىن سوتتالۋشىمەن تولىق كولەمدە وتەلدى.
 
پروكۋراتۋرا كولىك جۇرگىزۋ قۇقىعىنان ايىرىلعان ادامنىڭ الكوگولدىك، ەسىرتكىلىك نەمەسە ۋىتقۇمارلىق ماس كۇيىندە كولىك باسقارۋى، سونداي-اق مۇنداي ادامعا كولىك قۇرالىن باسقارۋعا مۇمكىندىك بەرۋ — قازاقستان رەسپۋبليكاسىنىڭ زاڭناماسىنا سايكەس، ءومىر بويى كولىك جۇرگىزۋ قۇقىعىنان ايىرا وتىرىپ 10 جىلعا دەيىن باس بوستاندىعىنان ايىرۋ جازاسىنا الىپ كەلەتىنىن ەسكەرتەدى.