الماتىلىق قۇتقارۋشىلار قالا تۇرعىندارىن قاۋىپسىزدىك شارالارىن ساقتاۋعا شاقىرادى
الماتى قۇتقارۋشىلارى قالا تۇرعىندارىن جاڭا جىلدىق ءىس-شارالار كەزىندە ءورت قاۋىپسىزدىگى ەرەجەلەرىن ساقتاۋعا شاقىرادى. بۇل تۋرالى الماتى قالاسى توتەنشە جاعدايلار دەپارتامەنتى مەملەكەتتىك ورتكە قارسى باقىلاۋ باسقارماسى باسشىسىنىڭ ورىنباسارى ەربولات تورتقارايەۆ وكق الاڭىندا سويلەگەن سوزىندە ەسكەرتتى، دەپ حابارلايدى اlmaty-akshamy.kz.
سپيكەردىڭ ايتۋىنشا، الماتىدا جىل سايىن جاڭاجىلدىق مەرەكە كۇندەرى ورتا ەسەپپەن 11 ءورت وقيعاسى ورىن الادى. بۇل رەتتە ءورت وقيعالارىنىڭ جالپى سانىنىڭ 18%-عا جۋىعى پيروتەحنيكالىق بۇيىمداردى دۇرىس پايدالانباۋ سالدارىنان ورىن الادى.
سوڭعى 5 جىلدا 56 ءورت شىققان، ونىڭ 10-ى پيروتەحنيكا سالدارىنان بولعان.
«وتكەن جىلعى جاڭاجىلدىق مەرەكە كەزىندە پيروتەحنيكالىق بۇيىمدارعا ابايسىز قاراۋدىڭ سالدارىنان مەديسينالىق مەكەمەلەرگە 39 ادام (ونىڭ 29-ى بالالار) جۇگىنگەن. اۋرۋحاناعا 8 ادام جاتقىزىلعان، ونىڭ 7-ەۋى بالالار»، - دەدى وكق سپيكەرى ستاتيستيكالىق دەرەكتەردەن كەلتىرە وتىرىپ.
ورتتەردىڭ الدىن الۋ جانە ەسكەرتۋ، سونداي-اق پيروتەحنيكالىق بۇيىمداردى دۇرىس پايدالانباۋ سالدارىنان بولاتىن جازاتايىم وقيعالاردى بولدىرماۋ ماقساتىندا الماتى قالاسى تجد ازاماتتاردىڭ قاۋىپسىزدىگىن قامتاماسىز ەتۋگە باعىتتالعان ۇيىمداستىرۋ شارالارى كەشەنىن جۇرگىزۋدە.
قۇتقارۋشىلار جاپپاي ادامدار تۇراتىن نىسانداردا ورناتىلعان 72 جاڭاجىلدىق شىرشانى ەسەپكە الدى. ولاردىڭ ءورت قاۋىپسىزدىگى تالاپتارىنا سايكەستىگى تەكسەرىلىپ، الدىن الۋ شارالارىن كۇشەيتۋ بويىنشا ۇسىنىستار بەرىلدى.
سونداي-اق، جاپپاي سىرعاناۋ ءۇشىن مۇز ايدىندارى ۇيىمداستىرىلاتىن 14 نىسان نازارعا الىندى، وسى نىسانداردىڭ يەلەرىمەن جاپپاي ءىس-شارالار وتكىزۋ كەزىندە ءورت قاۋىپسىزدىگىن قامتاماسىز ەتۋ قاجەتتىگى تۋرالى پروفيلاكتيكالىق اڭگىمەلەر جۇرگىزىلدى.
الماتى قالالىق پوليسيا دەپارتامەنتىمەن بىرلەسىپ، «پيروتەحنيكا» جەدەل-پروفيلاكتيكالىق ءىس-شارالار جوسپارى كەلىسىلىپ، بەكىتىلدى. سوعان سايكەس، 25 جەلتوقساننان باستاپ زاڭ بۇزۋشىلارعا جەدەل ارەكەت ەتۋ شارالارىن قولدانا وتىرىپ، پيروتەحنيكالىق بۇيىمدار ساتىلاتىن ورىنداردا رەيدتەر ۇيىمداستىرىلادى.
بۇل رەتتە تجد قىزمەتكەرلەرى پيروتەحنيكالىق بۇيىمداردى ساتۋشىلارمەن پروفيلاكتيكالىق اڭگىمەلەسۋلەر جۇرگىزەدى، بۇعان دەيىن 20 كەزدەسۋ مەن دوڭگەلەك ۇستەلدەر وتكىزىلىپ، ونىڭ بارىسىندا پيروتەحنيكالىق بۇيىمداردى ساقتاۋ جانە پايدالانۋ كەزىندەگى ءورت قاۋىپسىزدىگى تالاپتارى ءتۇسىندىرىلدى.
ەربولات تورتقارايەۆ الماتى تۇرعىندارى مەن قوناقتارىنا پيروتەحنيكالىق بۇيىمداردى ساتىپ الۋ تەك ارنايى دۇكەندەردە عانا جۇرگىزىلۋى كەرەكتىگىن، بۇل رەتتە ءونىمنىڭ قاپتاماسىنىڭ مىجىلعان نەمەسە دەفورماسيالانباۋىن قاداعالاۋ كەرەكتىگىن ەسكەرتتى. سونداي-اق ءونىمنىڭ جارامدىلىق مەرزىمىنە نازار اۋدارۋ كەرەك، نۇسقاۋلاردى مۇقيات وقۋ قاجەت!
پيروتەحنيكانى قۇرعاق ءۇي-جايدا جانە جىلۋ كوزدەرىنەن بارىنشا الىسىراق ساقتاۋ كەرەك.
پيروتەحنيكانى قولدانۋ كەزىندە:
-بالالاردىڭ ءوز بەتىمەن راكەتالار مەن پەتاردالاردى قوسۋىنا جول بەرمەڭىز؛
ء-قاۋىپتى ايماق (50 مەتر) راديۋسىندا پيروتەحنيكانى قوسۋعا كەدەرگى بولاتىن ەشتەڭە جوعىنا كوز جەتكىزىڭىز؛
-پيروتەحنيكانى تۇتاتۋ كەزىندە ەشقاشان قوراپتىڭ ۇستىنە ەڭكەيمەڭىز؛
ء-فيتيلدى تۇتاتۋ كەزىندە قول سوزىم ارالىعىنداي ورىن قالدىرىڭىز؛
ء-ونىمدى قاتتى جەل كەزىندە قوسپاڭىز؛
-پيروتەحنيكانى، ەگەر ول ىسكە قوسىلماعان بولسا، قايتا قوسۋعا تىرىسپاڭىز؛
-راكەتالار مەن فەيەرۆەركتەردى ادامدار مەن جانۋارلارعا قاراتپاڭىز، حلوپۋشكالاردى اياق استىنا تاستاماڭىز؛
-فەيەرۆەركتەردى قوسۋ الاڭى مەن تۇرعىن ۇيلەرگە دەيىنگى ەڭ از قاشىقتىق 50 مەتر بولۋى كەرەك. الاڭدا اعاشتار، ەلەكتر جەلىلەرى جانە باسقا دا كەدەرگىلەر بولماۋى كەرەك، بۇل وتشاشۋلار باعىتىن وزگەرتە الادى.