Aitu، eGov، eGov Business، eOtinish قىزمەتتەرى مەن اقپاراتتىق جۇيەلەرى ءۇشىن نولدىك تاريفتەۋدى پايدالانۋ ازاماتتاردىڭ ءموبيلدى شوتىنداعى بالانس ءنول نەمەسە تەرىس بولعان جاعدايدا مەملەكەتتىك رەسۋرستارعا كەپىلدىك بەرەتىن قولجەتىمدىلىكتى قامتاماسىز ەتەدى. مۇنداي قادام حالىققا قىزمەت كورسەتۋ ورتالىقتارىنا تۇسەتىن جۇكتەمەنى ايتارلىقتاي ازايتۋعا مۇمكىندىك بەرەدى جانە digital by default فورماتىنا كوشۋدىڭ ماڭىزدى كەزەڭىنە اينالادى.
سيفرلىق شتاب شەشىمىمەن:
بيىلعى 15 قىركۇيەكتەن باستاپ Aitu، eGov، eGov Business، eOtinish قىزمەتتەرى مەن اقپاراتتىق جۇيەلەرىنە قولجەتىمدىلىكتى قامتاماسىز ەتۋ ءۇشىن نولدىك تاريفتەۋدى قولدانۋدى ىسكە قوسۋ؛
وسى جىلدىڭ 20 قىركۇيەگىنە دەيىن Smart Bridge پلاتفورماسىندا كوممەرسيالىق IT-شەشىمدەردى قىزمەتتەرمەن كەدەرگىسىز ينتەگراسيالاۋ مۇمكىندىگىن قامتاماسىز ەتۋ؛
Qaztech پلاتفورماسىندا ءىت شەشىمدەرىنىڭ شەكتى قۇنى بويىنشا قويىلاتىن تالاپتاردى قوسپاعاندا، ءىرى جوبالاردى جۇزەگە اسىرۋ ءۇشىن ءتيىستى قۇقىقتىق اكتىلەرگە وزگەرىستەر ەنگىزۋ؛
جىل سوڭىنا دەيىن جاساندى ينتەللەكت ارقىلى مەملەكەتتىك قىزمەتتەردى سيفرلاندىرۋ قامتاماسىز ەتىلەدى.