ەلىمىزدىڭ تەمىر جولدارىنىڭ جارتىسى توزعان

كولىك ءمينيسترى نۇرلان ساۋرانبايەۆتىڭ مالىمدەۋىنشە، جاڭا تەمىرجول جەلىلەرى سالىنادى، دەپ حابارلايدى aqshamnews.kz

«تەمىرجول جەلىسىنىڭ جالپى پايدالانۋ ۇزىندىعى 16 مىڭ كم. توزۋ دەڭگەيى 57 پايىزدى قۇرايدى. بۇل پويىزداردىڭ قوزعالىس جىلدامدىعى مەن قاۋىپسىزدىگىنە اسەر ەتەدى. ينفراقۇرىلىم مۇمكىندىكتەرى تولىق شەگىندە جۇمىس ىستەپ تۇر»، - دەيدى ساۋرانبايەۆ ۇكىمەت وتىرىسىندا.

ونىڭ ايتۋىنشا، وسى پروبلەمالاردى شەشۋ ءۇشىن 2029 جىلعا دەيىن 5 مىڭ شاقىرىم جاڭا جول سالىنىپ، مودەرنيزاسيادان ءوتىپ جاتىر. سونىمەن قاتار، 11 مىڭ شاقىرىم جول جوندەلۋدە.

«ءقازىر 5 جوبا بويىنشا جاڭا قۇرىلىس جۇمىستارى ءجۇرىپ جاتىر: ولار «دوستىق – مويىنتى»، «الماتى اينالما تەمىرجولى»، «داربازا – ماقتاارال»، «مويىنتى – قىزىلجار» جانە «باقتى – اياگوز». وسى جىلى، مەرزىمىنەن بۇرىن، ەكى ءىرى جوبا اياقتالادى: ولار «دوستىق – مويىنتى» ۋچاسكەسى مەن الماتى اينالما تەمىرجولى. كەلەسى جىلى «مويىنتى – قىزىلجار» جانە «داربازا – ماقتاارال» جاڭا تەمىرجولدارى ىسكە قوسىلادى»،- دەدى مينيستر.

بۇعان قوسا بيىل 3 مىڭ كم تەمىرجول ۋچاسكەلەرىندە تولىق مودەرنيزاسيا باستالعان.

«بۇل جۇمىستار جاڭا جولداردى سالۋمەن تەڭ. مىسالى، «قىزىلجار – سەكسەۋىل» ۋچاسكەسىنىڭ وتكىزۋ قابىلەتى 8 پويىزدان 25 پويىزعا دەيىن، ال «قاندىاعاش – توبىل» 7-دەن 25-كە دەيىن كوتەرىلەدى. بۇگىندە اتالعان جوبالار قازاقستاننىڭ تەمىرجول كاركاسىن تولىعىمەن قالىپتاستىرادى دەپ ايتۋعا بولادى»، - دەدى ۆەدومستۆو باسشىسى.