ەكپەلەر مەن ميكستۋرالار (سۇيىق كۇيدەگى دارىلەر) دەنساۋلىقتى نىعايتا تۇسەتىنى ءسوزسىز. الايدا ادامنىڭ ءوزىن جاقسى سەزىنۋى ءۇشىن ءبىر قاراعاندا وتە قاراپايىم ارەكەتتەردى جاساۋدىڭ ءوزى جەتكىلىكتى. ءارقاشان دەنىڭ ساۋ بولىپ، باقىتتى ءومىر ءسۇرۋ ءۇشىن قاجەتتى بىرنەشە كەڭەسكە نازار اۋدارا وتىرىڭىزدار.
كىتاپ وقىڭىز
كىتاپ دەگەندە دە، ەلەكتروندى نۇسقادا ەمەس، قاعاز كۇيىندەگى اقپاراتتى وقۋ كۇيزەلىستى جاعدايمەن كۇرەسۋگە كومەكتەسەدى. جاقسى ناتيجە شىعۋ ءۇشىن وزىڭىزگە وقىعان كەزدە جاعىمدى اسەر بەرەتىن ءماتىندى وقىعان ءجون. سەبەبى وتكىر الەۋمەتتىك ماسەلەلەر مەن ساياسي تاقىرىپتاعى گازەتتەر مەن جۋرنالداردى وقۋدان ونداي اسەر الماۋىڭىز مۇمكىن.
تاماقتى اقىرىن جەڭىز
ديەتولوگتار كوبىنە-كوپ ارتىق سالماق ادامداردىڭ تاماقتى كوپ جەۋىنەن ەمەس، ونى تەز ءارى دۇرىس شايناماۋىنان بولادى دەيدى. تاماقتى وتە تەز جەيتىن ادامدار استى شامادان تىس كوپ جەۋگە بەيىم كەلەدى. ياعني، اعزا تاماقتانعانىن تۇسىنبەي، تويعانى تۋرالى سيگنال تىم كەش كەلەدى.
مەديتاسيانى تىنىشتىقتا جاساڭىز
مەديسينا قىزمەتكەرلەرى مەديتاسيا تەك يوگا جانە شىعىس تاجىريبەسىن ۇستانۋشىلار ءۇشىن عانا ەمەس، ءتىپتى قاراپايىم كەڭسە قىزمەتكەرلەرى ءۇشىن دە پايدالى ەكەنىن بۇرىننان ايتىپ كەلەدى. گارۆارد ۋنيۆەرسيتەتىندە جۇرگىزىلگەن زەرتتەۋ كۇن سايىن وتىز مينۋت جاسالعان مەديتاسيا كۇيزەلىستىڭ دامۋىن ازايتاتىنى دالەلدەنگەن. مەديتاسيا ادامنىڭ ەموسيونالدىق جاعدايىن ارتتىرادى، پسيحولوگيالىق، سونىمەن بىرگە، ادامنىڭ فيزيكالىق ساۋلىعىنا جاعىمدى اسەر ەتەدى.
تەمىر جايلى ەستەن شىعارماعان ءجون
تەمىر اعزانىڭ قالىپتى جۇمىسىن ساقتاۋدا ماڭىزدى ءرول اتقارادى. شارشاعىشتىق، تابەتتىڭ جوعالۋى، نازاردى توقتاتۋدىڭ قيىندىعى — بۇل ادام اعزاسىنداعى تەمىر جەتىسپەۋشىلىگىمەن كەزدەسەتىن ماسەلەلەردىڭ ءبىر بولىگى عانا. سونىمەن قاتار، تەمىر تۇراقتى مەتابوليزمگە ىقپال ەتەدى جانە وكپەدەن جاسۋشالارعا وتتەگىن تاسىمالدايدى، سوندىقتان ونىڭ جەتىسپەۋشىلىگى ارتىق سالماقتىڭ وسۋىنە ىقپال ەتۋى مۇمكىن.
تەلەفوندى ءوشىرىپ قويۋ كەرەك
بۇل، ارينە، ءبىرىنشى رەت ايتىلىپ جاتقان جاڭالىق ەمەس. قالاي دەگەنمەن دە، بۇل - باستى ۇستانۋعا ءتيىس كەڭەستەردىڭ ءبىرى. سمارتفونداردى ءجيى قولدانۋ كوزدىڭ قان قىسىمىن، سترەسستى ۇلعايتىپ، مويىن، يىق بولىكتەرىنىڭ، سونىمەن قاتار باستى ءجيى تومەنگە سالۋدىڭ سالدارىنان باس ساقيناسى اۋرۋلارىنا اكەلۋى مۇمكىن.
كۇنىنە 21 مينۋتتان سەرۋەندەڭىز
اقش-تىڭ باقىلاۋ جانە الدىن الۋ جونىندەگى ورتالىق 18-دەن 34 جاسقا دەيىنگى جاس ارالىعىندا ادامدارعا دەنساۋلىقتى ءبىر قالىپتا ۇستاۋ ءۇشىن اپتاسىنا كەمىندە 150 مينۋت اەروبيكالىق جاتتىعۋلار جاساۋ قاجەت. ەگەر ءسىز سپورتپەن شۇعىلدانۋعا ەكى جارىم ساعات بولە الماساڭىز، وندا بۇل ۋاقىتتا اپتانىڭ ءاربىر كۇنىنە تەڭدەي كەلەتىندەي ءبولىپ تاستاڭىز. سوندا 21 مينۋتتان شىعادى. جاياۋ ءجۇرىپ، سەرۋەندەۋ ءۇشىن 21 مينۋت ۋاقىت تابۋ الدەقايدا جەڭىلىرەك ەكەنىنە كەلىسەتىن شىعارسىز.
ۇيدە وتىرماڭىز
ناقتىراق ايتقاندا، ۋاقىتىڭىزدىڭ كوپ بولىگىن دالادا وتكىزىڭىز. بۇل كەڭەس ، اسىرەسە، ءقازىر قىس الدىندا وتە قاجەت. ويتكەنى ادامدار كوبىنە اۋا رايىنىڭ قولايسىزدىعىن العا تارتىپ، بۇل ءىستى كەيىنگە قالدىرا بەرەدى. ادام اعزاسىنا D دارۋمەنىنىڭ پايداسى زور، ال ول تەك تازا اۋادا بولىنەدى. ال ەگەر سەرۋەندەيتىن جەرىڭىز تابيعي ورىن بولسا، وندا ميىڭىزدا جاقسارۋ پروسەستەرى كوبىرەك بولادى، كۇيزەلىستەن ارىلۋعا بولادى.