قالاداعى ساموكاتتاردىڭ كەسىرىنەن قايعىلى وقيعالار كوپ بولىپ جاتىر. اتالعان ماسەلەنى ازاماتتار الەۋمەتتىك جەلىگە دە جازىپ ءجۇر. بۇل ناعىز باس قاتىرارلىق پروبلەماعا اينالعان. سوندا ولارعا زاڭدىق شەكتەۋلەر قويىلماي ما؟
بۇل سۇراقتىڭ جاۋابىن الماتى قالاسى پوليسيا دەپارتامەنتىنىڭ باسشىسى قانات تايمەردەنوۆ بەردى، دەپ حابارلايدى Almaty-akshamy.kz.
«مۇنى ءبىر عانا الماتىنىڭ ماسەلەسى ەمەس، رەسپۋبليكالىق دەڭگەيدەگى تۇيتكىل دەپ قاراستىرعان ءجون. ساموكاتتى ءارتۇرلى جاستاعىلار قولدانادى. جىلدامدىقتارى دا باياۋ ەمەس. ولار بەلگىلەنگەن جەردەن، جاياۋ جۇرگىنشىلەر وتكەلىمەن ءجۇرۋى كەرەك، الايدا كوبىنە ولاي ەمەس. سوڭعى 5 ايدا ساموكاتشىلاردىڭ قاتىسۋىمەن 29 جول-كولىك وقيعاسى تىركەلدى. ەكى بالا زارداپ شەكتى. تاياۋ ارادا شەتەلدىك تاجىريبەنى ەسكەرە وتىرىپ، وسى ماسەلەنىڭ شەشىمىن اكىمدىكپەن بىرلەسىپ تابۋدى كوزدەپ وتىرمىز»، – دەدى قانات تايمەردەنوۆ.