تەمىرجول كولىگى:
الداعى ۋاقىتتا بالقاشقا دەيىن 10 تەمىرجول مارشرۋتى ۇيىمداستىرىلادى. پويىزدار استانا، سەمەي، الماتى قالالارى مەن قاراعاندى وبلىسىنان (مويىنتى، ساياق) قاتىنايدى.
- №54/53 «نۇرلى جول – دوستىق» (اپتاسىنا 2 رەت)؛
- № 254/253 «نۇرلى جول – دوستىق» (اپتاسىنا 2 رەت)؛
- №122/121 «نۇرلى جول – سەمەي» (جىل بويى، ايدىڭ جۇپ كۇندەردە).
- № 643/644 «مويىنتى - بالقاش» (كۇنارا)؛
- № 605/606 «قاراعاندى – بالقاش» (كۇن سايىن)؛
- № 6880/6879 «بالقاش – ساياق» (اپتاسىنا 6 رەت)؛
- № 6877/6878 «بالقاش – مويىنتى» (اپتاسىنا 6 رەت)؛
- № 6894/6893 «بالقاش – ساياق» (اپتاسىنا 2 رەت)؛
- № 6817/6818 «بالقاش 1 – بالقاش 2» (كۇن سايىن).
سونىمەن قاتار، 1 ماۋسىم مەن 31 تامىز ارالىعىندا ايدىڭ تاق كۇندەرى №219/220 «قاراعاندى-بالقاش» جۇردەك پويىزى قاتىنايدى. ونىڭ قۇرامىنا 4 پلاسكارت جانە 2 كۋپە ۆاگون كىرەدى.
اۆتوموبيل كولىگى:
بالقاش كولىنە دەيىن «ورتالىق – وڭتۇستىك» جول باعىتى ارقىلى ءتورت جولاقتى جولمەن جۇرۋگە بولادى.
استانا قالاسىنان ۇزىندىعى 217 شاقىرىم «استانا – قاراعاندى» جولىن ءوتىپ، ودان ءارى ۇزىندىعى 363 شاقىرىم «قاراعاندى – بالقاش» جولى بويىنشا جەتۋگە بولادى. جول ءجۇرۋ ۋاقىتى شامامەن 5-6 ساعاتتى قۇرايدى. ۇزىندىعى 262 شاقىرىمدى قۇرايتىن «مەركى-بۇرىلبايتال» جولى ارقىلى دا جەتۋگە بولادى.
بالقاشقا لەپسى اۋىلى ارقىلى بالامالى جولمەن دە جەتۋگە بولادى. مۇنداعى 27 شاقىرىمدىق جول ۋچاسكەسى قايتا جوندەلىپ، ەنى 6-دان 7 مەترگە دەيىن كەڭەيتىلدى. تەحنيكالىق ساناتى V-تەن III-كە اۋىستىرىلاپ، وتكەن جىلدىڭ قازان ايىندا پايدالانۋعا بەرىلدى.