بالا جازۋعا ۇيرەنبەگەندىكتەن، اۋىر نەمەسە قولايسىز قالام ونىڭ قولىن شارشاتۋى مۇمكىن. سوندىقتان ماماندار بولاشاق وقۋشىلارعا ارنايى قالامدار ساتىپ الۋعا كەڭەس بەرەدى. بۇل تۋرالى روشال اتىنداعى بالالار كلينيكالىق ورتالىعىنىڭ پەدياتريالىق ءبولىمىنىڭ مەڭگەرۋشىسى يۋليا روۆەنسكايا ايتىپ بەردى، - دەپ حابارلايدى اqshamnews.kz ءتىلشىسى rbclifetime.ru-عا سىلتەمە جاساپ.
ساراپشىنىڭ 5 كەڭەسى
- قالام مەن قارىنداشتىڭ ەڭ ىڭعايلى ءپىشىنى – ءۇش قىرلى (ءۇشبۇرىشتى).
- وتە جىڭىشكە نەمەسە تىم جۋان قالام قولدى شارشاتادى. ورتاشا قالىڭدىعى قولايلى.
- قالامدا سىرعىمايتىن رەزەڭكە قاپتاما بولۋى كەرەك. ول قولدىڭ دۇرىس ورنالاسۋىنا كومەكتەسەدى.
- جازۋى جەڭىل، كۇشتى كوپ قاجەت ەتپەيتىن قالام تاڭداۋ قاجەت. شاريكتى قالامدار ەڭ قولايلى: سياسى تەز كەبەدى، جايىلمايدى.
- مۋلتفيلم كەيىپكەرلەرى بەينەلەنگەن قالامدار وقۋ ءۇشىن قولايسىز. ولار قولدى تەز شارشاتادى.
سولاقاي بالالارعا كەڭەس
ەگەر بالاڭىز سولاقاي بولسا، ونى قايتا ۇيرەتۋدىڭ قاجەتى جوق. بۇگىندە سول قولمەن جازۋعا ىڭعايلى، ارنايى يىلگەن كورپۋسى بار قالامدار شىعارىلادى.
مەكتەپكە قاجەت زاتتار
ءبىرىنشى سىنىپ وقۋشىسىنا مىنا زاتتاردى دايىنداۋ ۇسىنىلادى:
- تور كوز جانە كولبەۋ سىزىق داپتەر،
- قاراپايىم جانە ءتۇرلى ءتۇستى قارىنداشتار،
- 15–20 سانتيمەتر سىزعىش،
- قوقىس جينايتىن قاقپاعى بار ۇشتاعىش،
- وشىرگىش،
- وقۋلىققا ارنالعان تىرەۋ،
- ساناۋعا ارنالعان تاياقشالار.
ماڭىزدى ەسكەرتۋ
مامان اتا-انالاردى بالالارعا قالام، قارىنداش نەمەسە فلوماستەردى جالاۋعا بولمايتىنىن ءتۇسىندىرۋدى وتىنەدى. سەبەبى قولدا جۇرگەن قالامدا ميكروب كوپ جينالادى. بۇل جۇقپالى اۋرۋلارعا سەبەپ بولۋى مۇمكىن. قۇرعاعان فلوماستەردى جالاپ جازدىرۋ دا ءقاۋىپتى: زاماناۋي بوياۋلار ۋلى ەمەس بولعانىمەن، اللەرگيا تۋعىزۋى مۇمكىن.