اقتاۋداعى GTA: جۇك كولىگىنىڭ جۇرگىزۋشىسى پوليسەيلەردەن قاشپاق بولدى

  • 13:03، 29 شىلدە 2025
اقتاۋداعى GTA: جۇك كولىگىنىڭ جۇرگىزۋشىسى پوليسەيلەردەن قاشپاق بولدى سۋرەت: ۆيدەو سكرينى

اقتاۋدا ءتارتىپ ساقشىلارى جۇك كولىگىنىڭ قوزعالىسىن جولعا تىكەندى جولاق توسەپ،توقتاتۋعا ءماجبۇر بولدى، دەپ حابارلايدى اqshamnews.kz.  Polisia.kz-كە سىلتەمە جاساپ.

جاعداي قالاي بولدى؟

وقيعا 29 شىلدەدە، تۇنگى ساعات 01:30 شاماسىندا اقتاۋداعى "ءومىرزاق" وندىرىستىك ايماعىندا بولدى. پوليسەيلەر جولدان DAF ماركالى جۇك كولىگىن بايقاعان. جۇرگىزۋشىنىڭ كۇماندى ارەكەتتەرى ءتارتىپ ساقشىلارىنىڭ نازارىن اۋدارعان. ولار كولىك يەسىنە توقتاۋ تۋرالى تالاپ قويعانىمەن، جۇرگىزۋشى قاشىپ كەتۋگە ارەكەتتەنگەن.

"قۋعىن كەزىندە ول قارسى باعىتقا شىعىپ، جول بەلگىلەرىن ەلەمەي، جولدا ءقاۋىپتى جاعدايلار تۋعىزدى"، – دەپ مالىمدەدى پوليسيا وكىلدەرى.

قۋعىندى توقتاتۋ ءۇشىن پوليسەيلەر ارنايى تىكەندى جولاق ("ءوج") توسەپ، كولىكتىڭ قوزعالىسىن باياۋلاتىپ، توقتاتتى. جۇرگىزۋشى دەرەۋ ۇستالدى.

ءتارتىپ بۇزۋشى كىم؟

انىقتالعانداي، كولىكتى تۇركىستان وبلىسىنىڭ تۇرعىنى جۇرگىزگەن. ول جۇك تاسىمالىمەن اينالىساتىنى جانە كولىككە ءتيىستى قۇجاتتارى بار ەكەنى بەلگىلى بولدى. الايدا ەر ادام مەديسينالىق كۋالاندىرۋدان باس تارتقان.

جۇرگىزۋشىگە قاتىستى كەلەسى قۇقىقبۇزۋشىلىقتار بويىنشا ماتەريالدار جيناقتالدى:

  • پوليسيانىڭ زاڭدى تالابىنا باعىنباۋ؛

  • مانيەۆر جاساۋ ەرەجەسىن جانە قارسى باعىتقا شىعۋ ءتارتىبىن بۇزۋ؛

  • مەديسينالىق كۋالاندىرۋدان باس تارتۋ؛

  • جول بەلگىلەرىن ەلەمەۋ جانە جولدا اپاتتى جاعداي تۋعىزۋ.

قازىرگى ۋاقىتتا اۆتوكولىك ايىپتۇراققا قويىلىپ، ءىس ماتەريالدارى سوتقا جولداندى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:10

17:37

17:20

17:12

16:32

15:17

15:14

14:31

14:20

13:16

13:03

12:28

12:26

12:24

12:22

12:21

12:02

11:32

11:16

10:54

10:51

10:33

09:37

09:05

20:59